អាអើយអា!!! បបួលមិត្តភក្ដិ មកផឹកសីុអស់ស្រាស ចំនួនមួយលីត្រកន្លះ កើតចិត្តប្រចណ្ទ័ វាយប្រពន្ធកូនបណ្ដាលឱ្យរងរបួសធ្ងន់ នឹងវាយកំទេចសំភារៈក្នុងផ្ទះគ្មានសល់

កំពង់ស្ពឺៈ កាលពីថ្ងៃទី១៩ ខែមិថុនា ឆ្នាំ២០១៨ បុរសម្នាក់ផឹកស្រាស្រវឹងកើតរឿងប្រចណ្ទ័ បង្ករជាហឹង្សា ទាញព្រនុងឈើ វាយប្រពន្ធកូនបណ្ដាលឱ្យរងរបួសធ្ងន់ នឹងវាយកំទេចសំភារៈក្នុងផ្ទះគ្មានសល់។ ជនសង្ស័យឈ្មោះជាប្តីឈ្មោះ សឿន សុន (ហៅអីក) អាយុ៣៨ឆ្នាំ បានវាយទៅលើ ប្រពន្ធឈ្មោះ ហំ អិត អាយុ២៩ឆ្នាំនិងកូនស្រី២នាក់។

ប្រភពពីសមត្ថកិច្ចបានអោយដឹងថា មុនពេលកើតហេតុបុរសជាប្តី បានទិញស្រាស ចំនួនមួយលីត្រកន្លះ យកមកផឹក ជាមួយឈ្មោះ ឃឹង សែម ភេទប្រុស អាយុ ៤៥ឆ្នាំ និងឈ្មោះ សៅ ភេទប្រុស អាយុ២៨ឆ្នាំ។ លុះផឹកស្រាអស់ បុរសជាប្តីស្រវឹងកើតជារឿងប្រច័ណ្ឌប្រពន្ធ ជាមួយឈ្មោះ ឃឹម សែម ហើយបានវ៉ៃចានវ៉ៃឆ្នាំងបែកខ្ទេច។ ដោយឃើញសកម្មភាពបែបនេះ ប្រពន្ធបាននាំកូនមកផ្ទះម្តាយបង្កើតនៅក្បែរនោះរួច បុរសជាប្តីបានយកគល់ឈើមួយកំណាត់ ប្រវែងជិតកន្លះម៉ែត្រតាមវ៉ៃប្រពន្ធដល់ផ្ទះម្តាយជនរងគ្រោះ បណ្តាលឱ្យមានរបួសធ្ងន់។ ជនរងគ្រោះត្រូវបានសាច់ញាតិបញ្ជូនទៅមន្ទីរពេទ្យបង្អែកឧដុង្គភ្លាមៗ ៕