បន្ទាប់ពីមានការចែកចាយលើបណ្តាញសង្គម ហើយក៏មានតារាចម្រៀង ឈួន សុវណ្ណឆៃ បានធ្វើការបង្ហោះវីដេអូ សូមឲ្យពុក ម៉ែ បង ប្អូនមានការប្រុងប្រយ័ត្នអំពីចាហួយដែលជនជាតិចិនបានឲ្យមកក្មេងញុាំនោះ ពេលបានដឹងការពិតហើយ នោះមិនមែនជាចាហួយនោះទេ គឺគេហៅថាស្លេម ដែលក្មេងរូបនោះបានភរម្តាយ ដោយសារតែខ្លាចម្តាយវាយ ព្រោះបានយកលុយទៅទិញរបស់លេងតែប៉ុណ្នោះ។ នេះបើយោងតាមគណនីហ្វេសប៊ុកមួយដែលមានឈ្មោះថា Ponn Dany បានលើកឡើងថា "សូមចំណាយពេលវេលាបន្តិចដើម្បីស្តាប់ពត៍មានពិតតាមការស្រាវជ្រាវរបស់គណៈកម្មការផ្សារធំថ្មីបានរកឃើញថាការបង្ហោះឃ្លីបវីដេអូរបស់លោកស្រី Chhoun Sovannchhai នេះជាការភ័ណ្ឌច្រលំទេ គឺកូនអាជីវករដែលទើបតែមានអាយុ៧ឆ្នាំរៀនថ្នាក់ទី១ បានទៅទិញស្លេមនៅតូបលេខ I3-០៥០ លក់តុក្កតាយកមកលេង ចំនួន៦កំប៉ុងហើយដល់ពេលចាស់ៗសួរក្មេងនោះឆ្លើយកុហកថាចិនចែកអោយ ហើយបង្ខំអោយញាុំ តាមពិតក្មេងនោះនិយាយកុហកទេ ព្រោះគាត់ខ្លាចម្តាយដឹងថាយកលុយមកទិញរបស់លេង សូមបងប្អូនកុំយល់ច្រលំ ព្រោះពត៍មាននេះមិនពិតទេ របស់នេះមិនមែនជាចាហួយទេ គេហៅថាស្លេម ជារបស់ចិនមួយកំប៉ុងតម្លៃ២០០០រៀល ហើយរបស់អាមេរិកមួយកំប៉ុងតម្លៃ១០ដុល្លា ជារបស់ក្មេងលេង មានលក់នៅគ្រប់ទីផ្សរទាំងអស់ ។" បើតាមការសារភាពរបស់ក្មេងប្រុសម្នាក់បានប្រាប់ពីការពិតថា "ប្អូនប្រុសបានប្រាប់ថា ចាហួយដែលបងប្អូន ក៏ដូចជាប្រិយមិត្តបានទស្សនានោះមិនមែន ជាការពិតនោះទេ ដោយប្អូនប្រុសបានរៀបរាប់ថា នោះគឺជារបស់លេង ព្រោះតែខ្លាចម៉ាក់វាយទើបប្អូនភរម៉ាក់ចឹងទៅ"។ ដូចនេះសូមបងប្អូនមេត្តាកុំយល់ច្រលំតទៅទៀតអី។
