បន្ទាយមានជ័យៈ មានករណី អគ្គិភ័យ ឆាបឆេះផ្ទះប្រជាពលរដ្ឋ ១ខ្នងអស់ទាំងស្រុង កាលពីវេលាម៉ោង១២ៈ៤០នាទីយប់ រំលងអធ្រាត្រ ឈានចូលថ្ងៃ២៧ ខែមិថុនា ឆ្នាំ២០១៨ នៅភូមិគីឡូលេខ៤ សង្កាត់ផ្សារកណ្តាល ក្រុងប៉ោយប៉ែត ខេត្តបន្ទាយមានជ័យ។

ក្នុងហេតុការណ៏នេះ ម្ចាស់ផ្ទះបាននិយាយឪ្យដឹងថា ខ្លួនមានឈ្មោះ វ៉ាន់ ចំរើន ភេទប្រុស អាយុ៣៧ឆ្នាំ មានប្រពន្ធឈ្មោះ មិន ចន្ធូ អាយុ២៧ឆ្នាំ មានកូនប្រុសម្នាក់ បានមកជួលផ្ទះទំហំ៤×៤,៥០ សង់ពីឈើប្រក់សង្ក័សី ជញ្ជាំងសង្ក័សី ពីឈ្មោះ ចាន់ សុខលី ភេទប្រុស អាយុ៣០ឆ្នាំ រស់នៅភូមិសង្កាត់កើតហេតុ រស់នៅរយ:១ឆ្នាំមកហើយ។ ហើយសម្ភារះដែលខូចខាត ឆេះផ្ទះអស់ទាំងស្រុងរួមមាន ប្រាក់ខ្មែរ ៩៥០០០០រៀល ខ្សែក ខ្សែដៃធ្វើពីផ្លាកទីន៧.៥ជី កង់១គ្រឿង និងសម្ភារ:ប្រើប្រាស់ក្នុងផ្ទះ ចាន ឆ្នាំង អាវខោ។ មូលហេតុ អាចមកពីទុស្សេខ្សែភ្លើង ព្រោះមុននឹងជនរងគ្រោះចេញទៅរើសអេតចាយ បានបើកភ្លើងអំពូលមួយទុកចោល៕