កុមារចំនួន១២នាក់ ដែលជាប់នៅក្នុងរូងភ្នំ ពិបាកនឹងមានសង្ឃឹមរស់ណាស់...(មានវីដេអូ)

ប្រទេស​ថៃ ​៖ ​ពួក​អ្នក​ជួយ​សង្គ្រោះ​ នា​ថ្ងៃ​ទី​២៧ ​មិថុនា ​២០១៨ បាននាំ​គ្នា​​ខិតខំ​បូមទឹក​ចេញ​ពី​រូង​ភ្នំ​​ដែល​​ជន់​លិច​នៅ​ភាគ​ខាងជើង​ថៃ ជា​កន្លែង​ដែល​ក្មេង​ប្រុស​ទាំង​១២​នាក់ និង​​គ្រូបង្វឹក​បាល់ទាត់​របស់​ពួក​គេ​​បាប​ជាប់​នៅ​ក្នុង​នោះ​ចាប់តាំងពី​ប៉ុន្មាន​ថ្ងៃ​មក​ហើយ​។ ព្រះសង្ឃ​បាន​និមន្ត​មក​កាន់​ទីនោះ​ដើម្បី​សូត្រធម៌​បួងសួង​សូម​ឲ្យ​អ្នក​ទាំងនេះ​រួច​ចាក​ផុត​គ្រោះ​ភ័យ​ទាំង​ឡាយ ខណៈ​សាច់ញាតិ​គ្រួសារ​នៅ​តែ​មាន​សង្ឃឹមថា​ អាច​ជួយ​សង្គ្រោះ​​ពួក​គេ​ឱ្យ​បាន​ឆាប់​។ ​ក្មេង​ប្រុស​១២​នាក់​នោះ​គឺ​មាន​អាយុ​ពី​១១​ទៅ​១៦​ឆ្នាំ​ និង​គ្រូបង្ហាត់​បាល់ទាត់​ពួក​គេ​អាយុ​២៥​ឆ្នាំ​ បាន​នាំ​គ្នា​ចូល​ទៅ​ក្នុង​រូងភ្នំ THAM LUANG ស្ថិត​នៅ​​ព្រំដែន​ជាមួយ​មី​យ៉ា​ន់​ម៉ា ​និង​ឡាវ ក្រោយពេល​​ហាត់​ទាត់​បាល់​នា​ថ្ងៃ​ទី​២៣ ​មិថុនា​។​ ការ​ជួ​យស​ង្គ្រោះ​ជួប​ការ​លំបាក ព្រោះតែ​ភ្លៀង​បន្ត​ធ្លាក់​ខ្លាំង​រាំង​ខ្ទប់​ច្រកចូល​សំខាន់​នៃ​រូង​ភ្នំ​នេះ ដែល​មាន​បណ្ដាញ​ក្រោម​ដីយ៉ាង​​ស្មុគស្មាញ​ ហើយ​មាន​ប្រវែង​ច្រើន​គីឡូ​ម៉ែត្រ​ឯណោះ ។ រីឯ​អ្នក​ជួ​យស​ង្ក្រោះ​ជាច្រើន​រយ​នាក់​​នាំ​គ្នា​​ខិតខំ​ដាក់​ម៉ា​ស៊ី​ន​បូមទឹក​ ដើម្បី​ឲ្យ​ទឹក​​ក្នុង​រូ​​ង​ភ្នំ​ស្រក ប៉ុន្តែ​ការ​ខិតខំ​ប្រឹងប្រែង​របស់​ពួក​គេ​ជួប​ការ​លំបាក ព្រោះ​ភ្លៀង​បន្ត​ធ្លាក់​​ក្នុង​តំបន់​នោះ​ឥត​ឈប់​ឈរ​។ អភិបាលខេត្ត​ឈៀង​រ៉ៃ​ លោក NARONGSAK OSSTTANAKORN ក្នុង​សន្និសីទ​សារ​ព័ត៌មាន​មួយ​នៅ​មុខ​រូងភ្នំ​ថ្លែង​ថា ប្រតិបត្តិការ​ជួ​យស​ង្គ្រោះ​​ពិតជា​លំបាក​ខ្លាំង​ណាស់នា​ពេល​នេះ​។ ​ទឹក​ក្នុង​រូងភ្នំ​លាយ​ភក់​ជាច្រើន ​ហើយ​មាន​ខ្យល់​អុក​ស៊ីហ្សែ​ន​ខ្សោយ​ ហើយ​​កុមារ​ទាំង​នេះ​តាម​មើលទៅ​ពិបាក​សង្ឃឹម​រក​ឃើញ​នៅ​រស់ណាស់ ​។​ លោក​បញ្ជា​ក់ថា​ អ្នក​មុជទឹក​បរទេស​៣​នាក់ ដែល​មាន​ឯកទេស​បាន​មក​កាន់​ទីនោះ​ដែរ​។ យោង​តាម​កង​ម៉ា​រី​ន​ថៃ​ ដែល​ចូលរួម​សកម្ម​បំផុត​ក្នុង​ប្រតិបត្តិការ​ជួយ​សង្គ្រោះ​នោះ​បាន​ឱ្យ​ដឹងថា ទឹកនៅ​​ក្នុង​រូងភ្នំ​បន្ត​ឡើង​នា​ពេល​យប់​នោះ​រហូត​ដល់​១៥​សង់ទីម៉ែត្រ​ថែម​ទៀត រួច​តំបន់​ទី​៣ ​នៃ​បណ្ដាញ​រូង​ក្រោម​ដី​ពេល​នេះ​ត្រូវ​ទឹក​លិច​អស់ទៀត​។ ហើយ​បណ្ដា​ថ្ងៃ​ដំបូង​នៃ​ការ​រុករកពុំ​អាច​រក​ឃើញ​ដាន​ណាមួយ​នៃ​ក្រុម​នោះ​ឡើយ​។​ ចំណែក​អាជ្ញាធរ​យល់​ថា ​ពួក​គេ​អាចរ​ត់ទៅ​ឆ្ងាយ​ក្នុង​រូងភ្នំ​គេច​ពី​ទឹក​ជន់​លិច​ក៏ថាបាន។ នៅ​ច្រកចូល​រូងភ្នំ​មាន​ដាក់​ប៉ាណូ​មួយ​ថា ហាម​មិន​ឲ្យ​មនុស្ស​ម្នា​ចូល​ក្នុង​រូងភ្នំ​នេះ​​ទេ​នា​រដូវវស្សា​ ចាប់​ពី​ខែកក្កដា ​ដល់​ខែវិច្ឆិកា​។​ បើ​តាម​អាជ្ញាធរ​និយាយ​ថា​ ក្រុមបាល់ទាត់​ក្មេង​នេះ​​មានឈ្មោះ​ថា ក្រុម​ជ្រូកព្រៃ​ និង​គ្រូបង្វឹក​ស្គាល់​ទីនោះ​ច្បាស់​ណាស់។ អ្នកទី ១ ជាគ្រូបង្វឹក អាយុ ២៥ ឆ្នាំ បានទៅចាប់ប្រកេសព្រះនៅក្រោមរូងភ្នំ ប្រកេសមើលទៅដូចមាស ប៉ុន្ដែមិនមែនទេវាគឺជាមាសសំរិទ្ធ គាត់គិតថាជារបស់មានតម្លៃក៏ចាប់យកមក ប៉ុន្ដែវាជារបស់មានតម្លៃនៅក្នុងនោះ។ អ្នកទី ២ ភីរាក់ផាត់ អាយុ ១៦ ឆ្នាំ ទៅគូរវាសជើងលើជញ្ជាំង ហើយយកជើងជាន់ ដូចជាការប្រមាថ។ អ្នកទី ៣ ប្រាចាក់, អ្នកទី ៤ ណាត់ថាវុធ អាយុ ១៤ អ្នកទាំងពីរបានយកកាក់ជាមួយគ្នា ឃើញប្រាក់ក៏យកប្រាក់ មានទាំងកាក់ខ្មៅ និងកាក់ក្រហម យកមកដោយគិតថានឹងយកចេញពីរូងភ្នំ ប៉ុន្ដែក៏យកចេញមកមិនបាន។ អ្នកទី ៥ ភិផាត់ អាយុ ១៥ ឆ្នាំ បានហាមអ្នកទាំងនោះមិនឲ្យយករបស់ទាំងនោះចេញទៅ។ អ្នកទី ៦ ផានុម៉ាត អាយុ ១៣ ឆ្នាំ មិនយកអ្វីឡើយ កើតទុក្ខផង យំផង ព្រោះមិនចង់បានរបស់ទ្រព្យអ្នកដទៃ គឺគិតចង់ត្រឡប់ទៅផ្ទះវិញ។ អ្នកទី ៧ ដួងភិច អាយុ ១៣ ឆ្នាំ ខួរក្បាលខ្ពស់ ពេលកើតហេតុចេញមកមិនរួច ក៏បោះចូលទៅក្នុងទឹក ពេលនេះកើតទុក្ខខ្លាំងណាស់, អ្នកទី ៨ រួមគំនិតគ្នាគឺបោះចោលរបស់ចូលក្នុងទឹកអស់ហើយ។ អ្នកទី ៩ អាដុន អាយុ ១៤ ឆ្នាំ របស់នៅមានក្នុងហោប៉ៅ គឺជាកាក់ និងព្រះ។ អ្នកទី ១០ ផនឆៃ អាយុ ១៦ ឆ្នាំ បានគូរវាសជើង និយាយប្រមាថមើលងាយ។ អ្នកទី ១១ អេការ៉ាត់ អាយុ ១៤ ឆ្នាំ លួចប្រាក់ ប្រាក់វែងពណ៌ស មានរូបព្រះ បានយកទៅអួតមិត្តភក្តិ។ អ្នកទី ១២ ខានីន អាយុ ១១ ឆ្នាំ អត់យកអ្វីទាំងអស់ ដើរតាមគេ គេឲ្យមើលអ្វីក៏មើល។ អ្នកទី ១៣ មុងឃុន អាយុ ១៣ ឆ្នាំ គឺគិតតែពីយំ យករបស់មកហើយតែយកទៅណាមិនបាន ពេលកើតហេតុក៏ដាក់របស់ចុះ អង្គុយយំ៕

មានវីដេអូ៖ ប្រភព៖ kohsantepheapdaily