ខេត្តបាត់ដំបង ៖ សេចក្តីរាយការណ៍​បឋម​ឱ្យដឹងថា មានការ​ឃាត់ខ្លួន​ជនសង្ស័យ២នាក់ ម្នាក់​ជា​អ្នក​លួច និង​ម្នាក់ទៀត​អ្នកទិញ កាលពី​ថ្ងៃទី២៨ មិថុនា ឆ្នាំ២០១៨នេះ ស្ថិត​ត្រង់ចំណុច​ស្ថានីយ​ រថភ្លើង​ ក្នុងភូមិ​រ៉ា ឃុំ​ធិបតី ស្រុក​គាស់ក្រឡ ខេត្តបាត់ដំបង លើ​ករណី​លួច​ខ្ចៅ​ប៊ូឡុង​ចាប់​តផ្លូវ ​រថភ្លើង​ជាច្រើន ។

សំណាងហើយ ដែលរថភ្លើងមិនបានឆ្លងកាត់ កន្លែងដែលជនសង្ស័យ លួចដោះប៊ូឡុង ពីផ្លូវរថភ្លើង កុំអីមិនដឹងអាយុជីវិត មនុស្សប៉ុន្មាន​នាក់ទេ ដែលត្រូវរងគ្រោះ។ សេចក្តីរាយការណ៍​បន្ត​ថា ជនសង្ស័យ​ទាំង២នាក់ ម្នាក់​ឈ្មោះ​សូ ផុន (ជា​អ្នក​លួច​ដោះ​ខ្ចៅ​តាមផ្លូវ​រថភ្លើង) និង​ម្នាក់ទៀត​ឈ្មោះ​ប៉ក់ សា​រួន អាយុ៤៨ឆ្នាំ (ជា​អ្នកទិញ)ទាំង២នាក់​រស់នៅ​ក្នុងភូមិ​កើតហេតុ​ខាងលើ​ជាមួយគ្នា ។ បច្ចុប្បន្ន ជនសង្ស័យ​ទាំង២នាក់​ត្រូវបាន​សមត្ថកិច្ច​សាកសួរ និង​ចាត់ការ​តាម​នី​វិធី ៕