ភ្នំពេញៈ ជនសង្ស័យឈ្មោះ អ៊ុន សំណាង ភេទប្រុស អាយុ៣៩ឆ្នាំ មុខរបរ កម្មកររោងចក្រ ទីកន្លែងកំណើត ឃុំទឹកហូត ស្រុករលាប្អៀរ ខេត្តកំពង់ឆ្នាំង មានទីលំនៅបច្ចុប្បន្នស្នាក់នៅបន្ទប់ជួលលេខ161 ភូមិអង្គ សង្កាត់ចោមចៅ ខណ្ឌពោធិ៍សែនជ័យ រាជធានីភ្នំពេញ។ ត្រូវបានកម្លាំងជំនាញនៃការិយាល័យបទល្មើសជួញដូរមនុស្ស កងរាជអាវុធហត្ថរាជធានីភ្នំពេញ ឃាត់ខ្លួនបញ្ជូនទៅតុលាការនាព្រឹកថ្ងៃទី១៥ ខែសីហា ឆ្នាំ២០១៨ ពាក់ព័ន្ធករណីរំលោភសេពសន្ថវៈ លើក្មួយស្រី (ក្មួយខាងប្រពន្ធ) ឈ្មោះ រ.ណ អាយុ ១៩ឆ្នាំ។

បើតាមការសារភាព របស់ជនសង្ស័យបានឲ្យដឹងថា រូបខ្លួនមានប្រពន្ធទៅហើយ តែដោយសេចក្តីត្រេកត្រអាលក្នុងកាមគុណ មើលឃើញក្មួយស្រី ខាងប្រពន្ធ ចេះតែនៅមិនសុខ ទប់អារម្មណ៍មិនបាន រហូតឈានដល់ប៉ុងប៉ងរំលោភក្មួយស្រី៣ដង ទាល់តែបានសម្រេច ដោយលើកទី១ គឺនៅយប់ថ្ងៃទី៥ ខែកុម្ភៈ ឆ្នាំ២០១៨ ពេលក្មួយស្រីកំពុងដេកលក់ ខ្លួនបានធ្វើសកម្មភាពយកកន្ត្រៃ លួចកាត់គូទខោក្មួយស្រីដើម្បីលូកដៃទៅស្ទាប់អង្អែលប្រដាប់ភេទ ដោយប៉ុនប៉ងរំលោភតែដោយសារមានប្រពន្ធដេកក្បែរ ទើបខ្លួនបានត្រឹមតែលេងប្រដាប់ភេទខ្លួនឯងរហូតដល់ចេញទឹកកាម ដាក់ក្នុងខោក្មួយស្រី។ លើកទី២គឺនៅថ្ងៃទី៦ ខែកុម្ភៈ ឆ្នាំ២០១៨ ខ្លួនបានប៉ុនប៉ងចាប់រំលោភក្មួយស្រីនៅពេលបាយថ្ងៃត្រង់ ដោយខ្លួនបានចាប់ផ្តួលនាងទៅលើឥដ្ឋការ៉ូ រុញក្បាលនៅក្រោមតុ យកដៃខ្ទប់មាត់ និងបានអុកមួយជង្គង់ចំដើមទ្រូងធ្វើឲ្យនាងចុកឆ្អល់ស្រែកលែងចេញ រួចខ្លួនបានចាប់ស្រាតខោនាង ធ្វើសកម្មភាពរំលោភ តែមិនបានសម្រេច ព្រោះក្មួយស្រីបានប្រតាយប្រតប់ខ្លាំងពេក ទើបខ្លួនបានក្រោកដើរចេញទៅធ្វើការបាត់។ លើកទី៣ គឺនៅថ្ងៃទី១៩ ខែកុម្ភៈ ឆ្នាំ២០១៨ ម៉ោងប្រហែល១១ថ្ងៃត្រង់ ខ្លួនបានចាប់ក្មួយស្រីផ្តួលទៅលើឥដ្ឋការ៉ូ ហើយគំរាមថាបើព្រមតាមសម្រួលគឺមិនឈឺខ្លួនទេ តែបើស្រែកប្រយ័ត្នមួយដៃសន្លប់ រួចហើយខ្លួនក៏អុកនាងមួយជង្គង់ ចំឆ្អឹងជំនីខាងឆ្វេង និងដៃម្ខាងចាប់ដៃនាងរុញផ្ទប់ទៅនឹងឥដ្ឋការ៉ូ និងដៃម្ខាងទៀតលូកខ្វេះ ប្រដាប់ភេទនាងប្រហែលមួយនាទី រួចក៏យកប្រដាប់ភេទខ្លួនដាក់ចូលក្នុងប្រដាប់ភេទក្មួយស្រី ធ្វើសកម្មភាពរំលោភ បានសម្រេចចំនួន១ដង ។ ក្រោយពីរំលោភរួចជនសង្ស័យបានគម្រាមក្មួយស្រីថា បើហ៊ានតែយករឿងនេះ ទៅប្រាប់ប្រពន្ធខ្លួន ខ្លួននឹងសម្លាប់នាងចោល។ ក្រោយមកមិនយូរប៉ុន្មាន ជនរងគ្រោះក៏បានគេច ចេញពីផ្ទះ ទៅរស់នៅជាមួយអង្គការ សហប្រតិបត្តិការ បានជាង៣ខែ ប៉ុន្តែជនសង្ស័យឈ្មោះ អ៊ុន សំណាង នៅតែមិនព្រមឲ្យនាងរស់នៅបានសុខទេ ដោយរូបគេបានផ្ញើឆាតជាសម្លេងផង ជាអក្សរផង ទៅប្រាប់មិត្តភ័ក្រ្តខ្លួន ថាគេបានដេកជាមួយជនរងគ្រោះអស់ហើយ ទើបធ្វើឲ្យជនរងគ្រោះ មានការភ័យខ្លាច ក៏សម្រេចចិត្តមកដាក់ពាក្យបណ្តឹង នៅបញ្ជាការដ្ឋានកងរាជអាវុធហត្ថរាជធានីភ្នំពេញ ឲ្យជួយការពារនិងឃាត់ខ្លួនជនសង្ស័យដើម្បីយកមកផ្តន្ទាទោសតាមច្បាប់ ៕ ប្រភពៈ កូន ខ្លាតូច