បើថ្ងៃមួយ អ្នកដឹងថាមិត្តជិតស្និតឬមនុស្សដែលជាទីស្រលាញ់របស់អ្នកមានជំងឺសាហាវដូចជាមហារីក ពាក្យរបស់មនុស្សមួយចំនួនធំដំបូងគេគឺ «មិនអីទេណា ពិតជាព្យាបាលបាន »ឬក៏ «តិចបាត់ហើយ»។

Faye Eid មានអាយុ 26ឆ្នាំ នៅរដ្ឋ Queensland ប្រទេសអូស្ត្រាលី ពេលដែលនាងបានដឹងថាខ្លួនឯងមានជំងឺមហារីកស្បូន សាច់ញាតិរបស់នាងក៏បាននិយាយលួងចិត្តដោយពាក្យនេះដូចគ្នា។ មានអារម្មណ៍ថាពាក្យនោះគ្រាន់តែជួយលួងចិត្តនាងប៉ុន្នោះ រីឯស្វាមីរបស់នាង Jarred ក៏បានសម្រេចចិត្តថានឹងនៅតស៊ូជាមួយនាងដល់ថ្ងៃចុងក្រោយជំនួសដោយពាក្យលួងលោម។ ដំបូង Faye ត្រូវទ្រាំទទួលយករឿងដែលនាងត្រូវជួប ហើយនៅពេលនោះជីវិតនាងមានទាំងក្ដីសុខ ក្ដីទុក្ខ និងភាពភ័យខ្លាចមកព្រមៗគ្នា។ Jarred មានរបរជាអ្នកថតរូបម្នាក់ម្លោះហើយគាត់បានថតរូបភរិយាដែលបានតស៊ូឆ្លងកាត់រយៈពេល 6ខែក្នុងការរក្សារព្យាបាលរបស់នាង ដើម្បីបង្ហាញពិភពលោកថា អ្នកជំងឺមហារីកត្រូវព្យាបាលពិបាកយ៉ាងណា មិនមែនជារឿងធម្មតាៗនោះទេ។ រូបភាពទាំងអស់ Jarredបានថតតាំងតែមុនភរិយាចូលទទួលការព្យាបាល សកម្មភាពបន្ទាប់ផ្សេងៗរហូតការព្យាបាលដោយសារធាតុគីមី និងវីធីផ្សេងៗ គាត់មិនបានសរសេរពីអារម្មណ៍បញ្ចេញមកទេ តែក្នុងរូបភាពនិមួយៗបានបង្ហាញអត្តន័យតាមរយៈទឹកមុខ និងរូបរាងរបស់ Faye។ គ្រាន់តែការព្យាបាលដំបូងនាងក៏មានការអស់សង្ឃឹមនិងវេទនាណាស់ទៅហើយ បន្ទាប់មកដល់ពេលដែលត្រូវធ្វើការព្យាបាលដោយសារធាតុគីមីនាងក៏ត្រូវកោសក់ ហើយពេលនោះជាពេលដែលអស់សង្ឃឹមបំផុត ព្រោះមិនដឹងថាត្រូវមានអីកើតឡើងខាងមុខទេ។ ពេលដែលកោសក់ហើយទោះជា Jarred បានសសើរប្រពន្ធថាជានារីស្អាតយ៉ាងណា តែពេលដែល Faye ឆ្លុះកញ្ចក់ឃើញរូបភាពចំពោះមុខថានាងមិនដូចពីមុន វាធ្វើអោយនាងយំសម្រក់ទឹកភ្នែកភ្លាម ។ ចុងក្រោយពេលដែលព្យាបាលដោយសារធាតុគីមី Fayeបានប្រាប់ថា វាឈឺចាប់ខ្លាំងណាស់គ្រប់ពេលព្យាបាលម្ដងៗ។ Jarredបាននិយាយថា ភរិយារបស់គាត់មើលទៅវេទនាខ្លាំងណាស់ ហើយបន្ទាប់ពីការចាក់សារធាតុគីមីម្ដងៗ នាងមិនអាចនិយាយនិងចាំអ្នកណាបានក្នុងរយៈពេល 48ម៉ោង ហើយខ្លួននាងក៏ធ្លាក់នៅសល់តែ10 គីឡូក្រាមប៉ុន្នោះ។ Jarredបានបន្តថា ខ្លួនគាត់វេទនាខ្លាំងណាស់ពេលដែលឃើញភរិយារងទុក្ខវេទនារយៈពេលច្រើនខែ មិនដូចពាក្យដែលគេនិយាយថា «មិនអីទេ» តែសភាពរបស់នាងពិតជាធ្ងន់ធ្ងរឡើងរហូត។ ជារឿងដែលនឹកស្មានមិនដល់ដែល Fayeអាចឆ្លងកាត់គ្រប់យ៉ាងបាន ពេលនោះនាងបានប្រសើរចាប់ផ្ដើមដូចធម្មតាវិញ នេះបញ្ជាក់បានថាពាក្យលើកទឹកចិត្តថា មិនអីទេ នោះមិនអាចជួយ Fayeបានទេ តែស្វាមីនាងទៅវិញទេដែលនៅក្បែរនាង ផ្ដល់កំលាំងចិត្តគ្រប់ពេលវេលាធ្វើអោយនាងអាចឆ្លងរួចមកបាន។ ពេលដែល Fayeមើលរូបភាពខ្លួនឯងក្នុងរយៈពេលព្យាបាលនោះ វាគួរអោយខ្លាចណាស់ តែទោះយ៉ាងណានាងមាននាងមាន Jarredដែលនៅចាំលើកទឹកចិត្តព្រមជាមួយឆ្មាជាសត្វចិញ្ចឹមរបស់នាង2ក្បាលផង។ ចុះអ្នក?តើអ្នកនឹងនៅក្បែរមនុស្សដែលអ្នកស្រលាញ់ក្នុងពេលបែបនេះដល់ទីបញ្ចប់ដែរ ឬទេ? រក្សារសិទ្ធិដោយ៖KhmerNews.News