តារាចំរៀងប្រចាំផលិតកម្មសាន់ ដេ លោក​ ខាន់ ជេមស៍ ដែលកាលពីពេលថ្មីនេះៗ លោកទើបតែមានជនអនាមិក លួចហ៊ែក (Hack) គណនីហ្វេសប៊ុករបស់លោក​ ហើយកាលពីថ្ងៃទី១៦នេះ លោកខាន់ ជេមស៍ បានជួយរឿងស៊យមួយទៀត នៅក្នុងអាងទឹកមួយកន្លែងនាក្រុងភ្នំពេញ បង្កឲ្យមនុស្សម្នានៅក្បែរមាត់អាងលាន់មាត់ថា «ប៊ិះគ្រោះថ្នាក់» ខណៈដែលលោកបានលោតទឹកខុសបច្ចេកទេស។ ជាក់ស្តែងនៅក្នុងគណនីហ្វេសប៊ុករបស់លោក ក៏បានធ្វើការបង្ហោះវីដេអូ ពេលដែលលោកកំពុងតែលោតទឹកផងដែរ ដោយរូបលោកបានសរសេរនៅលើគណនីហ្វេសប៊ុករបសើោកថា "ខុសបច្ចេកទេសប៊ិះបែកក្បាល"។ យ៉ាងណាមិញ ក៏មានអ្នកគាំទ្រលោកជាច្រើន បានលាន់ថា "ប៊ិះហើយបងឯង"។