(ភ្នំពេញ)៖ លោក តាន់ គឹមសួរ ដែលពុកម៉ែ បងប្អូនបានស្គាល់តាមរយៈវីដេអូអប់រំជាច្រើន កាលពីពេលថ្មីៗនេះ លោកក៏បានថតខ្សែវីដេអូអប់រំមួយទៀតហើយ ដែលមានចំណងជើងថា "អង្ករមួយគ្រាប់"។ នៅក្នុងការសម្តែងនេះផងដែរ ក៏មានការសហការចូលរួមពីតារាសម្តែង កញ្ញា បេប៊ី និងលោក ម៉ា ដូណា ដែលការសម្តែងនេះពិតជាផ្តោតរយលានអត្តន័យផងដែរ។

ជាក់ស្តែង បើលោកអ្នកបានទស្សនាវីដេអូអប់រំមួយនេះរួមហើយ លោកអ្នក ពិតជាស្រក់ទឹកភ្នែកដោយមិនដឹងខ្លួន ព្រោះថាអត្តន័យនៅក្នុងសាច់រឿង "អង្ករមួយគ្រាប់" ពិតជាចាក់ដោតអារម្មណ៍យ៉ាងខ្លាំង។ នៅក្នុងវីដេអូមួយនេះ បានរៀបរាប់ពីខ្សែជីវិតអ្នកមាន ដែលមានលុយចាយវាយហ៊ីហារ ញាំុសុទ្ធតែអាហារថ្លៃ ហើយពេលហៅមកម្តងច្រើនសន្ធឹកសន្ធាប់ខ្លាំងណាស់។ បើយើងក្រឡេកទៅមើល ពុក ម៉ែ បងប្អូន ដែលគាត់រស់នៅក្រោមស្ពាន គ្មានផ្ទះស្នាក់នៅ ពេលខ្លះត្រូវអត់អាហារ ហើយពេលខ្លះទៀតត្រូវរស់នៅ ដោយការដើរកកាយអាហារតាមធុងដើម្បីយកមកហូប នេះពិតជាវេទនាខ្លាំងណាស់។ ខុសឆ្ងាយពីជីវិតអ្នកមាន ដែលគេរស់នៅបានស្រួល ញុាំអាហារឆ្ងាញ់ៗ នៅតាមហាងទំនើបៗ អ្វីដែលសំខាន់នោះ អាហារដែលគេញុាំនោះ មិនដែលអស់ពីចាននោះទេ ដូចពាក្យមួយគេតែតំណាលថា "កុំញុាំឲ្យអស់ពីចាន ខ្លាចគេហៅថាអ្នកស្រែ មិនដែលស្គាល់អាហារឆ្ងាញ់"។ យ៉ាងណាមិញនៅក្នុងគណនីហ្វេសប៊ុករបស់លោក តាន់ គឹមសួរ ក៏បានរៀបរាប់បន្ថែមថា "បាយម្ហូបដែលអ្នកទាំងអស់គ្នាញុំាសល់ខ្ជះខ្ជាយ ហើយគិតថាជាសម្រាមនោះ វាប្រៀបដូចជាអាហារទិព្វដែលធ្លាក់ពីលើមេឃសម្រាប់អ្នកដែលអត់ឃ្លាន។ បើអ្នកយកលុយដែលសល់ពីការញុំាខ្ជះខ្ជាយទៅចែករំលែកអ្វីម្យ៉ាងដល់ជនក្រីក្រ អ្នកអាចជួយពួកគាត់បានច្រើនណាស់។ Your waste food can be a very delicious dinner for homeless."។ មានវីដេអូ៖ ប្រភព៖​ Tan Kimsour