ភ្នំពេញ៖ រថយន្តកុងទន័រមួយគ្រឿង បានធ្វើដំណើរក្នុងល្បឿនលឿន និងមិនប្រយ័ត្នក៏ជ្រុលទៅបុករថយន្តម៉ាកព្រូសមួយគ្រឿងទៀតយ៉ាងពេញទំហឹង រួចរ៉េចង្កូតទៅបុកទ្រូងផ្លូវនឹងស្លា​កសញ្ញាចរាចរណ៍អស់ចំនួន១ដើម បណ្ដាលឲ្យរងការខូចខាតយ៉ាងដំណំ។

ហេតុការណ៍គ្រោះថ្នាក់ចរាចរណ៍ខាងលើនេះ បានកើតឡើងនៅវេលាម៉ោង៨យប់ ថ្ងៃសុក្រ ៦កើត ខែស្រាពណ៌ ឆ្នាំច សំរឹទ្ធស័ក្តិ ព.ស ២៥៦២ ត្រូវនឹងថ្ងៃទី១៧ ខែសីហា ឆ្នាំ២០១៨ នៅតាមបណ្ដោយផ្លូវវេងស្រេង កែងផ្លូវ៣៧១សឡា ( ក្បែរថ្លឹងឡានចាស់ ) ស្ថិតក្នុងសង្កាត់ស្ទឹងមានជ័យទី៣ ខណ្ឌមានជ័យ រាជធានីភ្នំពេញ។ យោងតាមប្រភពពីកន្លែងកើតហេតុបានឲ្យដឹងថា នៅពេលកើតហេតុ មានរថយន្តមួយគ្រឿងម៉ាកព្រូសពណ៌ស ស្លាក់លេខ ភ្នំពេញ. 2AP 5469 មានគ្នាប្រុសស្រី២នាក់បានធ្វើដំណើរតាមតាមបណ្ដោយផ្លូវវេងស្រេង ទិសដៅពីកើតទៅលិច ខណះដែរប្រុងនឹងបត់ចូលក្នុងបុរីប៉េងហួតដែលជាផ្ទះរបស់ខ្លួន ពេលនោះស្រាប់តែមានរថយន្តកុងទន័រមួយគ្រឿងពាក់ស្លាក់លេខ កំពង់ធំ 3A- 1217 បើកបរដោយបុរសម្នាក់ពីទិសដៅស្របគ្នាក្នុងល្បឿនយ៉ាងលឿន ក៏ជាន់ហ្វ្រាំងតែមិនសុី រួចជ្រុលទៅបុករថយន្តព្រូសចំ ជំហៀងខាងឆ្វេង រួចរ៉េទៅបុកទ្រូងផ្លូវនឹងស្លាក់សញ្ញាចរាចរណ៌បាក់អស់១កង់ ចំណែករថយន្តរងការខូចខាតទាំងសងខាង ។ ចំពោះគ្រោះថ្នាក់ចរាចរណ៍នេះមិនមានអ្នកណារងរបួសនោះទេ។ ក្រោយកើតហេតុ ស​មត្ថកិច្ចមូលដ្ធានបានទំនាក់ទំទៅមន្ត្រីជំនាញចរាចរណ៍ជើងគោក ដើម្បីចុះមកធ្វើការវ៉ាស់វែងនឹងស្ទួចរថយន្តទាំង២គ្រឿងនេះទៅរក្សាទុកនៅការិយាល័យចរាចរណ៌រាជធានីភ្នំពេញដើម្បីរងចាំដោះស្រាយតាមនីតិវិធីផ្លូវច្បាប់៕