រឿងដ៏សោកសង្រេងបំផុតមួយ ដែលបានបង្ហាញតាមរយៈបណ្ដាញទំនាក់ទំនងសង្គម របស់បងប្រុសនារីរងគ្រោះអភព្វកាលម្នាក់ ពីប៉ុន្មានថ្ងៃមុននេះ។ បន្ទាប់ពីនាងមានជំងឺមហារីកដំណាក់កាលទី៤ ត្រូវបានស្លាប់១ថ្ងៃក្រោយ បន្ទាប់ពីសម្រេចបំណងរៀបអាពាហ៍ពិពាហ៍ ជាមួយគូដណ្ដឹងរបស់នាង។

នារីខាងលើមានឈ្មោះ FatinNursyahirahYusuf អាយុ២៤ឆ្នាំ បានភ្ជាប់ពាក្យជាមួយគូដណ្ដឹងរបស់នាងឈ្មោះ Azzam កាលពីខែមិថុនា ឆ្នាំ២០១៧។ យ៉ាងណាមិញក្រោយពីដឹងពីស្ថានភាពជំងឺក្រុមគ្រួសារក៏បានបញ្ជូន FatinNursyahirahYusuf ទៅព្យាបាលដោយប្រើវិធីវះកាត់និងបាញ់កាំរស្មីសម្លាប់មេរោគប៉ុន្តែវាបានរីករាលដាលចូលពេញខ្លួនរបស់នាងបាត់ទៅហើយ។ ទោះជាដឹងខ្លួនថា មិនអាចរស់រាន្តមានជីវិតកសាងគ្រួសារមួយ ជាមួយគូដណ្ដឹងយ៉ាងណាក្ដីក៏ FatinNursyahirahYusuf ចង់សម្រេចបំណងរៀបការជាមួយគូដណ្ដឹងរបស់នាង ដែលធ្វើឱ្យគ្រួសារខាងប្រុសក្ដុកក្ដួលចិត្តយ៉ាងខ្លាំង និងយល់ព្រមសម្រេចបំណងរបស់នាង ទទួលយកជាសមាជិកគ្រួសារទោះជារយៈពេលខ្លីក៏ដោយ។ ទីបំផុត FatinNursyahirahYusuf និងAzzam ក៏បានចាប់ដៃគ្នារៀបការក្រោមទិដ្ឋភាពដ៏សោកសៅមួយដោយមានការចូលរួមយ៉ាងច្រើនពីសំណាក់ក្រុមគ្រួសារ និងសាច់ញាតិទាំងសងខាង ហើយអ្វីដែលក្ដុកក្ដួលបំផុតនោះគឺមហារីករបស់ FatinNursyahirahYusuf ធ្វើទុក្ខនិងស្លាប់បន្ទាប់ពីពិធីរៀបការចប់ក្នុងរយៈពេលត្រឹមតែ១ថ្ងៃប៉ុណ្ណោះ។ សម្រាប់ការស្លាប់របស់ FatinNursyahirahYusuf បានធ្វើឱ្យអ្នកលេងហ្វេសប៊ុកជាច្រើនរន្ធត់ចិត្តនិងបាននិយាយថា នាងជាមនុស្សដែលសំណាងបំផុត ព្រោះបានសម្រេចបំណងរបស់នាង មុនពេលស្លាប់ហើយនាងនឹងរីករាយនៅក្នុងពិភពថ្មីរបស់នាង៕