ជួយស៊ែរបន្តផង! សាលាវិចិត្រសិល្បៈ អំពាវនាវឲ្យកូនខ្មែរ ចូលរៀនឥតគិតថ្លៃហើយ ដោយសារតែ..
សីហា
-

ភ្នំពេញ ​៖ ​អតីត​សិស្សសាលា​មធ្យម​វិចិត្រសិល្បៈ​អំពាវនាវ​លើកទឹកចិត្ត​ដល់​កូន​ខ្មែរ ដែល​មាន​​ឧបនិស័ទ​ខាង​សិល្បៈ​ឱ្យទៅ​ចូលរៀន​នៅ​សាលា​មធ្យម​វិចិត្រសិល្បៈ​ដោយ​ឥត​គិត​​​ថ្លៃ ក្នុង​បំណង ដើម្បី​លើកកម្ពស់​សិល្បៈ​តម្លៃ​វប្បធម៌​របស់​ខ្មែរ​ឲ្យ​បាន​គង់វង្ស​យូរ​អង្វែង។

ឯកឧត្តម កុយ ស៊ី​ឌឿ​ន ទីប្រឹក្សា​ក្រសួង​ព័ត៌មាន និង​ជា​អតីត​សិស្សសាលា​មធ្យម​វិចិត្រសិល្បៈ​បាន​លើកទឹកចិត្ត​ដល់​យុវជន កុមារា​កុមារី ដែល​មាន​ឧបនិស្ស័យ​ផ្នែក​សិល្បៈ​គ្រប់​ទម្រង់​​អញ្ជើញ​ទៅ​ចុះឈ្មោះ​រៀន​ដោយ​​ឥត​គិត​ថ្លៃ​នៅ​សាលា​មធ្យម​វិចិត្រសិល្ប: ខណៈ​ដែល​សាលា​មធ្យម​វិចិត្រសិល្ប: នៃ​ក្រសួង​វប្បធម៌​វិចិត្រសិល្ប: ក្នុង​ឆ្នាំ​សិក្សា​២០១៨-២០១៩​នេះ នឹង​បើក​ប្រឡង​ពិនិត្យ​លើ​ឧបនិស្ស័យ​សិក្សា​របស់​សិស្ស​ឲ្យ​ចូលរៀន​តាម​សាលា​ជំនាញ​ទាំង​៥ ដូចជា​ជំនាញ​​តូរ្យតន្ត្រី របាំ ល្ខោន សៀក និង​សិល្ប​:​សូន្យ​រូប​ជាដើម​។ ឯកឧត្តម​បញ្ជាក់ថា ការរៀន​ជំនាញ​សិល្ប​:​បច្ចុប្បន្ននេះ មាន​ទីផ្សារ​ខ្ពស់​មិន​ថា ទម្រង់​សិល្ប​:​បែប​បុរាណ ឬ​សម័យ​ទេ ក្រោយពេល​រៀន​ចប់​ពួកគេ​មានឱកាស​រកប្រាក់​បាន​ស្រួល និង​មានការ​យកចិត្តទុកដាក់​ឲ្យ​តម្លៃ​ពី​រាជរដ្ឋាភិបាល និង​ប្រជាពលរដ្ឋ​ខ្មែរ​។ នៅពេល​រៀន​ចប់​សិស្ស​អាច​ប្រកប​អាជីព​អ្នកសិល្ប​: មាន​មានឱកាស​ប្រឡង​ចូល​ក្របខ័ណ្ឌ​មន្ត្រីរាជការ​នៅ​ក្រសួង​វប្បធម៌ និង​វិចិត្រសិល្ប​: ក្រសួង​ព័ត៌មាន និង​ធ្វើជា​គ្រួ​នៅ​សាលា​មធ្យម​វិចិត្រសិល្បៈ និង​សាល​កល​វិទ្យាល័យ​ភូមិន្ទ​សិល្ប​:​ជាដើម​។​ ​
យោង​តាម​សេចក្ដីជូនដំណឹង​របស់​សាលា​មធ្យម​វិចិត្រសិល្បៈ​ចេញផ្សាយ​ថ្ងៃទី​១៤ ខែសីហា​នេះ​បាន​ឲ្យ​ដឹងថា ជំនាញ​ផ្នែក​សិល្បៈ ដែល​បើក​ឲ្យ​សិក្សា​ដោយ​ឥត​បង់ថ្លៃ​នេះ មាន ឯកទេស របាំ​បុរាណ ខោល សៀក ចម្រៀង​បុរាណ តន្ត្រីបុរាណ និង​តន្ត្រីសម័យ​ចំពោះ​សិស្ស​ដែល​បាន​រៀន​ចប់​ថ្នាក់​ទី​៣ ឬ​ទី​ថ្នាក់​៤ នៅ​សាលា​ចំណេះដឹង​ទូទៅ ដែលមាន​អាយុ​៩​ឆ្នាំ ឬ​១០​ឆ្នាំ​។ ឯកទេស របាំ​ប្រពៃណី សៀក តន្ត្រីសម័យ ស្រឡៃ កុង​ត្រី​បាស ត្រុំ​ប៉ែត ហ្លុ​ត សាក់​សូ ក្លា​រី​ណែ​ត យីកេ និង​បាក់​សាក់ ចំពោះ​សិស្ស​ដែល​បាន​រៀន​ចប់​ថ្នាក់​ទី​៥ ឬ​ថ្នាក់​ទី​៦ នៅ​សាលា​ចំណេះដឹង​ទូទៅ ដែលមាន​អាយុ ១១​ឆ្នាំ ដល់​១៣​ឆ្នាំ​។ ចំពោះ​ឯកទេស​ចម្រៀង​អា​យ៉ៃ ចម្រៀង​ជា​ពួក ចាប៉ីដងវែង ល្ខោននិយាយ និង​សិល្បៈ​សូន​រូប សម្រាប់​សិស្ស​ដែល​បាន​រៀន​ចប់​ថ្នាក់​ទី​៧ នៅ​សាលា​ចំណេះដឹង​ទូទៅ ដែលមាន​អាយុ​១៣​ឆ្នាំ ឬ​១៤​ឆ្នាំ​។​ ​
សូមបញ្ជាក់ថា កាលបរិច្ឆេទ​ចែក​ពាក្យ និង​ទទួល​ពាក្យ​ចាប់ពី​ថ្ងៃ​ជូនដំណឹង​នេះ រហូតដល់​ថ្ងៃទី​២២ ខែកញ្ញា ឆ្នាំ​២០១៨ នៅ​ការិយាល័យ​សិក្សា នៃ​សាលា​មធ្យម​វិចិត្រសិល្បៈ វិថី​បណ្ឌិត​ម៉ុង​ឬ​ទ្ធី ភូមិ​បា​យ៉ាប សង្កាត់​ភ្នំពេញ​ថ្មី ខណ្ឌ​សែន​សុខ រាជធានី​ភ្នំពេញ​៕