ព្រឹកថ្ងៃទី២០ ខែសីហា ឆ្នាំ២០១៨នេះ វេលាម៉ោង៧ៈ០០នាទី សកម្មភាពបើកហិបវិញ្ញាសា កាត់កញ្ចប់វិញ្ញាសា ក្រោមអធិបតីភាពដ៏ខ្ពង់ខ្ពស់ ឯកឧត្តមបណ្ឌិត ឱម យ៉ិនទៀង ប្រធានអង្គភាព​ប្រឆាំងអំពើពុករលួយ នៅមណ្ឌលវិទ្យាល័យហ៊ុនសែនជម្ពូវ័ន និងបានបន្តដំណើរចុះពិនិត្យដំណើរការសំណេរនៅតាមមណ្ឌលសំណេរទាំង១០ នៃខេត្តកំពង់ស្ពឺ ដោយបានជួបបេក្ខជនប្រឡងតែម្នាក់គត់ រីឯអនុរក្សមាន២នាក់ ថែមទាំងអ្នកសង្កេតការណ៍ម្នាក់ទៀត នៅបន្ទប់លេខ១៣ នៅមណ្ឌលបឋមវល្លិ៍ ខេត្តកំពង់ស្ពឺ​។ ឯកឧត្តមបណ្ឌិត ក៏បាន​សម្លែងការលើកទឹកចិត្ត និងជូនពរបេក្ខជនរូបនោះ ​អោយទទួលបាននិទ្ទេសល្អប្រសើរផងដែរ៕