ខេត្តព្រះសីហនុៈ នារីស្រស់ស្អាតវ័យ២៣ឆ្នាំម្នាក់ មានអារម្មណ៍រវើរវាយ ត្រូវបានគេប្រទះឃើញក្នុងទឹកប្រឡាយ មានទាំងឈ្លើងទាមទៀតផង នៅក្បែរសួនច្បារវាលរេញ កាលពីយប់ម៉ោងជាង៩ ថ្ងៃទី១៩ ខែសីហា ឆ្នាំ២០១៨ រួចត្រូវបានគេជួយនាំយកទៅកាន់ប៉ុស្តិប៉ូលីស ដើម្បីសាកសួរពីសាវតា។ ជាមួយនឹងអាការៈរងារនិងរវើរវាយផងនោះ នៅជាប់នឹងខ្លួនស្ត្រីរូបនេះ ឃើញមានអត្តសញ្ញាណ ប័ណ្ណ១សន្លឹក លុយខ្មែរ និងលុយដុល្លាសរុបជាង៥០មុឺនរៀល រួមទាំងសំបុត្ររថយន្តក្រុង ២សន្លឹក (ពីបាត់ដំបង-ភ្នំពេញ និងពីភ្នំពេញ ខេត្តព្រះសីហនុ)។

ទោះជាយ៉ាងនេះក្តី ក្រោយសាកសួរ សមត្ថកិច្ចមិនបានបង្ហើបប្រាប់ពីសាវតារបស់ស្ត្រីរូបនេះឡើយ ក្នុងនោះតាមរយៈអត្តសញ្ញាណបណ្ណ័ជាប់ខ្លួន នៅព្រឹកថ្ងៃទី២០ ខែសីហា ឆ្នាំ២០១៨នេះ សមត្ថកិច្ចស្រុកព្រៃនប់បានទំនាក់ទំនងដល់គ្រួសារស្ត្រីរូបនេះ ដើម្បីអោយខាងគ្រួសារមកទទួលយកវិញផងដែរ ៕