ភ្នំពេញ៖ នៅថ្ងៃទី២០នេះ គឺជាថ្ងៃប្រឡងរបស់បេក្ខជន បេក្ខនារី គ្រប់បណ្តាលខេត្តក្រុង ចូលរួមប្រឡង ដើម្បីចង់ដឹងថា តើខ្លួនមានសមត្ថភាពខ្លាំងប៉ុណ្ណា អ្វីដែលកាន់តែពិសេសនោះ គឺគ្រប់គ្នាតែតែងចង់ដឹងថា តើខ្លួននិងបាននិទ្ទេសអ្វី ពេលដែលប្រឡងរួច។

យ៉ាងណាមិញ ដល់ម៉ោងប្រឡងទៅហើយ ស្រាប់តែមានបេក្ខនារីម្នាក់ ជាមួយនឹងស្វាមីព្រមទាំងកូន ទើបតែធ្វើដំណើរមកដល់មណ្ឌលប្រឡងទៅវិញ។ អ្វីដែលកាន់តែមិននឹកស្មានដល់ទៀតនោះ គឺបេក្ខនារីរូបនេះ បែរជាច្រឡំមណ្ឌលប្រឡងថែមទៀត។ ចំពោះបេក្ខនារីម្នាក់នេះ ដែលមានទាំងស្វាមី និងកូនប្រុសម្នាក់មកជួយលើកទឹកចិត្តក្នុងថ្ងៃពិសេសនេះ គឺគាត់ជាបេក្ខនារីម្នាក់បំពេញវិជ្ជាឬស្វៃរិនដែលត្រូវប្រឡងនៅមណ្ឌលមួយនៅសង្កាត់ទឹកល្អក់២តែដល់ម៉ោងប្រឡងទៅហើយនោះបែរជាច្រឡំមណ្ឌលទៅវិញ។ ក្រោយពីមានការច្រឡំមណ្ឌលប្រឡងផង អារម្មណ៍ច្របូកច្របល់ផងនោះ ធ្វើឲ្យបេក្ខនារីម្នាក់នេះ ស្រាប់តែបង្ហូរទឹកភ្នែកដោយមិនដឹងខ្លួន។ យ៉ាងណាមិញ ពូម៉ូតូឌុបក៏បានដឹកបីនាក់ម្តាយកូន និងស្វាមី ទៅកាន់មណ្ឌលប្រឡងពិតប្រាកដ។ ដោយ៖ និមល