ប៉់ុន្មានថ្ងៃមកនេះ រឿងល្ខោនខោលបានក្លាយជាប្រធានបទដ៏ក្តៅគគុក បន្ទាប់ពីបានលឺដំណឹងថា មានប្រទេសដ៏ទៃ នឹងដាក់ល្ខោនខោលចូលក្នុង បេតិកភណ្ឌពិភពលោកនៅអង្គការ UNESCO ជាហេតុធ្វើឲ្យបងប្អូនខ្មែរជាច្រើន ពិសេសអ្នកលេងបណ្តាញសង្គមហ្វេសប៊ុក មានការមិនពេញចិត្តជាខ្លាំងពេលដែលលឺថា​ មានប្រទេសដ៏ទៃចង់បានល្ខោនខោលជារបស់ខ្លួន។​

ជាក់ស្តែងនៅក្នុងគណនីហ្វេសប៊ុកមួយដែលមានឈ្មោះថា Saosekharith Huot ក៏បានសរសេររៀបរាប់ថា "នេះជាវីដេអូដែលខាងកម្ពុជា​ និងថៃដាក់ភ្ជាប់ជាមួយនឹងពាក្យស្នើរសុំចុះបញ្ជីរទៅអង្គការ UNESCO។ ខាងកម្ពុជាសុំដាក់ល្ខោនខោលវត្តស្វាយអណ្តែតក្នុងបញ្ជីរដែរត្រូវអភិរក្សជាបន្ទាន់​ (Urgent Safeguarding List) រីឯថៃដាក់ក្នុងបញ្ជីរតំណាង​ (Representative List)។ទស្សនាហើយពិចារណាតាមការគួរ! វីដេអូទាញចេញពីគរហទំព័ររបស់​ UNESCO"។ មានវីដេអូ៖ ប្រភព៖ Saosekharith Huot