នេះជាជីវិតពិតមួយដែលយើងរាល់គ្នា ពិបាកនឹងប្រកែកខ្លាំងណាស់ ហ៊ានចំណាយលុយទិញកាហ្វេប្រ៊េនមួយកែវតម្លៃ ២ដុល្លារដោយមិនតវ៉ាមួយម៉ាត់ តែតថ្លៃហើយមិនជួយទិញទៀតសម្រាប់អ្នកលក់ តាមចិញ្ចើមផ្លូវ ខ្ញុំដឹងថាវាជាលុយរបស់អ្នករាល់គ្នា ប៉ុន្តែតើអ្នកដឹងទេថារាល់ការទិញឥវ៉ាន់ ឬរបស់របរពីអ្នកលក់តាមចិញ្ចើមផ្លូវ វាជាការរួមចំណែកមួយជួយដល់ជីវភាពគ្រួសារពួកគាត់ដោយមិនដឹងខ្លួន។

ជាក់ស្តែងវីដេអូមួយ បានបង្ហាញពីអ៊ុំស្រីចាស់ម្នាក់ បានអង្គុយលក់ឥវ៉ាន់ នៅចិញ្ចើមផ្លូវ គេដើរកាត់ទៅវិញទៅមក ប៉ុន្តែបែរជាគ្មានអ្នកណាចាប់អារម្មណ៍ជួយទិញសោះ រហូតដល់បុរសម្នាក់គាត់បានទៅក្បែរនោះ ហើយបានច្រៀងចម្រៀង រហូតមានអ្នកមកអោយលុយគាត់ តែគាត់ប្រកែកមិនយកលុយនោះទេ តែសុំអោយពួកគាត់ជួយទិញឥវ៉ាន់ពីអ៊ុំស្រីចំណាស់នោះជំនួសវិញ។ បន្ទាប់ពីបានទស្សនាវីដេអូនេះហើយ សង្ឃឹមបងប្អូនទាំងអស់គ្នាប្តូរការគិត ផ្តល់ប្រាក់បន្តិចបន្តួចរបស់យើងទៅទិញឥវ៉ាន់អ្នកលក់តាមចិញ្ចឹមផ្លូវ ដើម្បីអោយពួកគាត់មានលិទ្ធភាពក្នុងការចិញ្ចឹមគ្រួសារពួកគាត់ផង៕ ប្រភពៈ កូននាគខ្មៅ ពត៌មាន