កាលពីថ្ងៃម្សិលមិញនេះ លោកឧកញ៉ាចិត្តធម៌ ទៀ វិចិត្រ បានជួបនឹងលោកយាយកំសត់ម្នាក់ អាយុ៩៦ឆ្នាំ កំពុងដើរលក់ស្លឹកខ្នឹង នៅតាមផ្លូវទាំងកណ្តាលថ្ងៃចែស​ ធ្វើឲ្យចិត្តរបស់លោកឧកញ៉ា មិនអាចមើលរំលងជីវភាពដ៏កំសត់របស់លោកយាយបាន ក៏ស្ទុះទៅទទួលរាក់ទាក់លោកយាយ ហើយព្រមទាំងសួរសុខទុក្ខលោកយាយអស់មួយសន្ទុះធំ ក៏ដឹងថាលោកយាយនៅម្នាក់ឯង ពេលខ្លះក៏លក់បាន ហើយពេលខ្លះក៏លក់មិនបាន។

ដោយក្តីអាណិត ស្រលាញ់ និងយកចិត្តទុក្ខចំពោះចាស់ជរា ព្រមទាំងទុរគតជន ទីទល់ក្រ លោកឧកញ៉ាចិត្តធម៌ ទៀ វិចិត្រ ក៏បានជួយចេញបង់ថ្លៃភ្លើងឲ្យលោកយាយជាងមួយឆ្នាំ រួចជាស្រេច ដើម្បីកុំឲ្យគេយកផ្តាច់ភ្លើងលោកយាយ។ ដោយក្តីរំភើបចិត្តខ្លាំងពេក លោកយាយក៏បានជូនពរលោក ឧកញ៉ា ឲ្យជួបតែសំណាងល្អ និងមានសេចក្តីសុខផងដែរ។ លោកបានរៀបរាប់នៅក្នុងគណនីហ្វេសប៊ុកផ្ទាល់របស់លោកថា "អាណិតលោកយាយខ្លោចចិត្ត ? កុំបារម្ភអី !! ចៅបានជួយបង់ថ្លៃភ្លើងជូនលោកយាយសម្រាប់រយះពេល13 ខែរួចហើយ ...ទៀ វិចិត្រ"។ មានវីដេអូ៖ ប្រភព៖ ទៀ វិចិត្រ TEA VICHET