អីុណូ ប្រកាសចេញមុខកាន់តែខ្លាំង លើមុខជំនួញដីធ្លី ដែលកំពុងតែមានការពុះកញ្ជ្រោល មិនចាញ់ព្រាប សុវត្ថិ និងខេមរៈ សិរីមន្ត

ភ្នំពេញៈ ក្រោយពីតារាចំរៀងល្បី២រូបលោក ខេមរះ សិរីមន្ដ និងលោក ព្រាប សុវត្តិ បានប្រកាសចាប់ដៃគូររកសុី ជាមួយឧកញ្ញាវ័យក្មេង ឡេង ណាវ៉ាតត្រា ខាងផ្នែកអចលនទ្រព្យដីធ្លី កំពុងតែមានការពុះកញ្ជ្រោលនោះ។ ស្រាប់តែលោក អ៊ីណូ បានប្រកាសចេញមុខកាន់តែខ្លាំង លើមុខជំនួញដីធ្លី ដែលកំពុងតែមានការពុះកញ្ជ្រោលដែរ។ ការប្រកាសចេញមុខនេះ ធ្វើឡើងក្រោយពីសិល្បះករ ពិសេសតារាចម្រៀងលោក ខេមរៈ សិរីមន្ត និងលោកព្រាប សុវត្ថិ បញ្ចេញគម្រោងថ្លៃរាប់លានដុល្លារអាមេរិកនោះ។

ការប្រកាសនេះធ្វើឡើងកាលពីព្រឹក ថ្ងៃទី០៣ ខែកញ្ញា ឆ្នាំ២០១៨នេះ ក្រោមការចូលរួមពីសំណាក់សិល្បះករ និងដៃគូមុខជំនួញជាច្រើនរូប។ លោក អ៊ីណូ បញ្ជាក់ថា មូលហេតុដែលលោកសម្រេចចិត្តចូលប្រឡូកក្នុងជំនួញដីធ្លីនេះ ព្រោះតែវាគឺជាមុខជំនួញ ដែលកំពុងទទួលបានការចាប់អារម្មណ៍ខ្លាំង ខណៈដែលតម្រូវការខ្ពស់ ប្រជាពលរដ្ឋកាន់តែច្រើន ផ្សំនឹងឱកាសផង ផ្សំនឹងមានជំនឿចិត្តនឹងម្ចាស់គម្រោងផង ទើបលោកសម្រេចថា ចេញរកស៊ីផ្នែកនេះជាលើកដំបូង។

ជាមួយគ្នានេះ លោកក៏ចេញមុខបកស្រាយដែរថា ជំនួញដីធ្លីនេះគឺលោកជាម្ចាស់ភាគហ៊ុនផ្ទាល់ មិនមែនគ្រាន់តែជាការឈរឈ្មោះ ឲ្យគេដូរការលើកឡើងកន្លងមកនោះទេ។ តារារូបនេះបញ្ជាក់ថា គម្រោងដីឡូតិ៍របស់លោកមានឈ្មោះថា គម្រោងដីឡូតិ៍ "អ៊ីណូ-សីហា" ដែលស្ថិតនៅតំបន់ភ្នំបាសិតដែល ជិតផ្លូវ៥១ ជិតគ្នានឹងគម្រោងដីឡូតិ៍លោក ព្រាប សុវត្ថិ ជាប្រភេទដីល្អ ខ្ពស់មិនលិចទឹក ត្រូវបានបើកដំណើរលក់ចាប់ពីថ្ងៃនេះតទៅហើយ។

លោកថាដីឡូតិ៍នេះ ស្ថិតក្នុងទំហំវិនិយោគរាប់សិបម៉ឺនដុល្លារអាមេរិក ដែលនឹងផ្ដល់ឲ្យបងប្អូនប្រជាពលរដ្ឋនូវការវិនិយោគប្រកបដោយទំនុកចិត្តបំផុត។ នេះមិនមែនជាលើកទី១ ដែលលោកបានហក់ចូលមកក្នុងទីផ្សារអចលនទ្រព្យ ពោលគឺកាលពីប៉ុន្មានឆ្នាំមុន លោកក៏ធ្លាប់សហការលក់ផ្ទះល្វែង ជាមួយសាច់ញាតិម្នាក់ដែរ ៕