បងប្រុសម្នាក់សុំពឹងបងប្អូនលេងបណ្តាញសង្គមហ្វេសប៊ុក ជួយស៊ែររក ប្អូនប្រុសពីរនាក់ ដែលបានជួយសំរួលចរារចណ៍ ឲ្យរថយន្តសង្គ្រោះជីវិតឪពុករបស់ខ្លួនបានជោគជ័យ...
-

កាលពីប៉ុន្មានម៉ោងមុននេះ មានម្ចាស់គណនីហ្វេសប៊ុកមួយដែលមានឈ្មោះថា Rocky Phiroeun បានប្រកាសតាមរយៈហ្វេសប៊ុក រកប្អូនប្រុសពីរនាក់​ ដែលបានជួយសំរួលចរាចរណ៍ ឲ្យរថយន្តសង្គ្រោះទៅមុខយ៉ាងរលូន ដើម្បីជួយសង្គ្រោះរបស់ខ្លួនបានជោគជ័យ។ បើយោងតាមវីដេអូរបស់ដោយសារតែដងផ្លូវមិនអំណោយផលក្នុងក្រុងភ្នំពេញនា វេលាម៉ោង៥ល្ងាច ដែលបងប្អូនខ្មែរយើងដឹងរួចមកហើយថា​ ពេលនេះជាពេល កំពុងស្ទះសឹងជៀសគ្នាមិនរួចនោះ ក៏ស្រាប់តែលេចមុខប្អូនប្រុសទាំងពីរបានជួយសំរួលចរាចរណ៍បានជោគជ័យ។

ជាក់ស្តែងនៅក្នុងគណនីហ្វេសប៊ុកដែលមានឈ្មោះខាងលើ បានរៀបរាប់ថា "ជំរាបសួរបងប្អូននៅលើបណ្តាញសង្គមFacebook ទាំងអស់ជាទីស្រឡាញ់និងគោរព! ខ្ញុំបាទឈ្មោះសោម ភីរឿន សុំរំខានចិត្តនិងពេលវេលារបស់បងប្អូនទាំងអស់មេត្តាជួយស្វែងរកប្អូនប្រុសពីរនាក់ដែលបានជួយសង្គ្រោះជីវិតរបស់ឪពុកខ្ញុំបាទដែលកំពុងត្រូវការសង្គ្រោះបន្ទាន់នៅលើរថយន្តរបស់គ្លីនិក។ តែដោយសារលក្ខណៈមិនអំណោយផលនៃដងផ្លូវក្នុងទីក្រុងភ្នំពេញនាវេលាម៉ោង៥ល្ងាចស្ទះគ្រប់ផ្លូវសឹងជៀសគ្នាមិនរួច ក៏ស្រាប់តែលេចមុខប្អូនប្រុសទាំងពីរបានជួយសំរួលចរាចរណ៍ដែលអាចអោយរថយន្តទៅមុខនិងសង្គ្រោះជីវិតពុកខ្ញុំបានជោគជ័យ។ ដោយវេលាមិនអំណោយផល ខ្ញុំបាទពុំទាន់បានអរគុណប្អូនទាំងពីរដោយផ្ទាល់ ក៏បានបែកផ្លូវគ្នានាមុខពេទ្យរុស្សី។ ក្នុងវេលានេះបងចង់ធ្វើការអរគុណប្អូនដោយផ្ទាល់។ ប្រសិនជាប្អូនប្រុសទាំងពីរបានឃើញ សូមប្អូនទាក់ទងមកបងតាមលេខ010 964 570 ឬក៏បងប្អូនមេត្តាស៊ែរចែករំលែកដើម្បីអោយប្អូនទាំងពីរបានឃើញផង។ បញ្ជាក់: បើតាមរយៈកាមេរ៉ាដែលខ្ញុំបានថត ស្លាកលេខម៉ូតូរបស់ប្អូនប្រុសទាំងពីរគឺ ភ្នំពេញ 1HD-0384។ អរគុណបងប្អូនទាំងអស់គ្នា"។
មានវីដេអូ៖ ប្រភព៖ Rocky Phiroeun
ហាមដាច់ខាតការយកអត្ថបទ ពីវេបសាយ khmernews.news ដោយគ្មានការអនុញាត។