ប្រទេសថៃៈ ថ្មីតែម្ដងហើយពេលនេះ បងប្អូន ដឹងហើយថា បើស្វាមីលួចទៅមានស្រីថ្មី នៅខាងក្រៅផ្ទះ ប្រាកដជាទៅតាមរករឿង និងថតបង្ហោះពេញហ្វេសបុកជាមិនខាន។ ដោយលែកនៅក្នុងប្រទេសថៃ ឯណោះវិញនាង Waraphon ដែលជាប្រពន្ធដើមរបស់លោក Anurak ជាជនជាតិថៃ ម្នាក់នេះ បែរជាមានទឹកចិត្តល្អប្រពៃ បើកទទួលស្វាគមន៍កញ្ញា Jannisa ដែលប្រពន្ធចុងរបស់ស្វាមីខ្លួន ឱ្យមករួមរស់នៅក្នុងផ្ទះជាមួយគ្នា យ៉ាងមានសេចក្តីសុខដោយមិនប្រកាន់ច្រើនទៅវិញ។

ទន្ទឹមនឹងនេះ អ្នកនាង Waraphon ដែលជាប្រពន្ធដើមថែមទាំងធ្លាប់បានបង្ហើបប្រាប់ថា ការដែលស្វាមីមានប្រពន្ធម្នាក់ទៀត ក៏ជារឿងប្រសើរដែរព្រោះនឹងបានជាដៃគូជួយពិគ្រោះយោបល់គ្នារឿងរកស៊ី ជួយជ្រើសរើសសម្លៀក ជួយធ្វើកិច្ចការផ្ទះ និងរឿងផ្សេងៗទៀតជាច្រើនផងដែរ។ ម្យ៉ាងទៀត អ្នកនាង Waraphon ក៏បានប្រាប់ទៀតថា «មនុស្សយើងម្នាក់ៗមានការគិតខុសៗពីគ្នា ដូច្នេះខ្ញុំមិនអាចហាមការគិត ឬការនិយាយដើមក្រោយខ្នងរបស់អ្នកដទៃបានឡើយ។ សរុបមករឿងនេះគឺជារឿងរបស់បុគ្គល ប្រសិនបើយល់ព្រមទទួលគ្នាមកធ្វើជាគ្រួសារតែមួយហើយ អ្នកដទៃគ្រាន់តែជាអ្នកក្រៅតែប៉ុណ្ណោះ»។ សូមសរសើរចិត្តប្រពន្ធដើម ដែលមានចិត្តទូលាយបែបនេះ ហើយសព្វថ្ងៃគូស្វាមីភរិយាទាំង៣ នាក់នេះ ក៏កំពុងតែទទួលបាននូវការ Follow យ៉ាងច្រើនលើបណ្តាញសង្គមហ្វេសប៊ុករបស់ពួកគេផងដែរ ដោយសរសើរលោក Anurak ថាមានសំណាងបានប្រពន្ធសុទ្ធតែស្អាតៗ ហើយមិនចេះឈ្លោះគ្នាទៀត៕