លោកសេងខេមរិនដែលត្រូវបានដឹងថាជាអ្នកកាត់តវីដេអូនៅផលិតកម្មមហាហង្សបានរងគ្រោះរហូតដល់បាត់បង់ជីវិតកាលពីយប់មិញក្នុងគ្រោះថ្នាក់ចរាចរណ៍មួយវេលាម៉ោងប្រហែល១១នាទី៣០នៅលើផ្លូវជាសុផារ៉ាម្តុំបុរីប៉េងហួតជាសុផារ៉ា។នេះបើតាមគណនីហ្វេសប៊ុកឈ្មោះសុផលដែលអះអាងថាជាសាច់ថ្លៃរបស់អ្នករងគ្រោះ។

តាមព័ត៌មានបឋមពីកន្លែងកើតហេតុលោកខេមរាបានបើករ៉ឺម៉កកង់៣រេចង្កូតទៅបុកនឹងបង្គោលភ្លើងបណ្ដាលឲ្យស្លាប់។ករណីនេះក្រុមគ្រួសារអះអាងថាជនរងគ្រោះមិនមានសេពគ្រឿងស្រវឹងមុនពេលមានគ្រោះឡើយហើយរបាយការណ៍ដែលគ្រួសារទទួលបានពីសមត្ថកិច្ចគឺលោករងគ្រោះតែម្នាក់ឯងមិនមានប៉ះពាល់ជាមួយភាគីណាផ្សេងទៀតឡើយ។ ចំណុចគួរឲ្យសង្វេគក្រុមគ្រួសារសពកំពុងជួបការលំបាកខ្វះខាតលុយកាក់ច្រើនដើម្បីធ្វើបុណ្យដោយសារជនរងគ្រោះដែលមានតែម្ដាយមានជីវភាពខ្សត់ខ្សោយខ្លាំងសូម្បីតែថវិកាទិញក្ដារមជ្ឈូសដាក់សពក៏គ្មានផង។ បច្ចុប្បន្នសពអ្នករងគ្រោះកំពុងតម្កល់ធ្វើបុណ្យនៅវត្តទឹកថ្លាសង្កាត់ទឹកថ្លាខណ្ឌសែនសុខ។អាស្រ័យហេតុនេះបងប្អូនមិត្តភ័ក្ដិរបស់សពអាចចូលរួមរំលែកទុក្ខទៅតាមកម្លាំងសទ្ធាជ្រះថ្លារៀងៗខ្លួន៕ ប្រភពៈ biz-kh