នៅលើបណ្តាញសង្គមហ្វេសប៊ុកជាទូទៅធ្លាប់តែឃើញ ករណីលួចទូរស័ព្ទឬលួចអីវ៉ាន់តាមហាងធំៗ ធ្លាប់តែបានឃើញមានតែប្រទេសផ្សេង តែពេលនេះស្រាប់តែនៅស្រុកខ្មែរ ក៏បានលេចចេញនូវវីដេអូឃ្លីបមួយដែលបង្កឲ្យមហាជនជាច្រើនមានការភ្ញាក់ផ្អើលយ៉ាងខ្លាំង។

ជាក់ស្តែងបើយើងមើលតាមវីដេអូ ក៏បានឃើញពីសកម្មភាពរបស់បុរសម្នាក់បានដើរចូលទៅក្នុងហាងលក់ទូរស័ព្ទដ៏ធំមួយ ភ្លាមនោះម្ចាស់ហាង បានយកទូរស័ព្ទស៊េរីថ្មី (iPhone X) ឲ្យជនសង្ស័យមើល ក្នុងនេះដែលកំពុងតែមើលនោះ ជនសង្ស័យហាក់មានសកម្មភាពគួរឲ្យសង្ស័យខ្លាំងណាស់ តែមិនត្រូវបានម្ចាស់ហាងប្រុងប្រយ័ត្ននោះទេ ដោយសារអង្គុយទល់មុខគ្នា។ រំពេចនោះ ពេលដែលម្ចាស់ហាងកំពុងតែអោនមុខមើលទូរស័ព្ទនោះ ស្រាប់តែជនសង្ស័យស្ទុះរត់គេចខ្លួនបាត់ស្រមោលតែម្តង។ បើយោងតាមគណនីហ្វេសប៊ុកមួយ ដែលមានឈ្មោះថា Bon Tan បានរៀបរាប់ថាៈ "ចោរចូលលួចយកទូសព្ទ័ក្នុងហាងapple gold 2 ជិតស្តុបកោសដូង IPhone X បេីមានមនុស្សដួចរូបខាងលេីយកទៅលក់callមកខ្ញុំជូន1000$ជាសាគុណ កុំទិញទូសព្ទ័ពីគាត់ព្រោះគាត់ជាចោរ កុំអោយមានបញ្ហា បេីប្រាប់ខ្ញុំនឹងជូនសាគុណវិញ Tell 012242241-010242241 (1000$)"។ មានវីដេអូ៖ ប្រភព៖ Bon Tan