ជនសង្ស័យម្នាក់ក្នុងចំណោមបក្សពួក២នាក់ ត្រូវបានប្រជាពលរដ្ឋចាប់បាន និងវាយឡើងទ្រោមខ្លួន បន្ទាប់ពីធ្វើសកម្មភាពឆក់កាបូបពីស្រ្តីម្នាក់ តែមិនបានសម្រេច ហើយក៏ត្រូវ...

ភ្នំពេញ៖ ជនសង្ស័យម្នាក់ ក្នុងចំណោមបក្សពួក២នាក់ ត្រូវបានប្រជាពករដ្ឋចាប់បាននិងវាយឡើងទ្រោមខ្លួន ឃាត់ខ្លួនបន្ទាប់ពីជិះម៉ូតូម៉ាកហុងដាសេរី២០១៨ មួយគ្រឿង ធ្វើសកម្មភាពឆក់កាបូបមិនបានសម្រេច កាលពីថ្ងៃទី០៥ ខែកញ្ញា ឆ្នាំ២០១៨ នៅចំណុចផ្សារធំទួលសង្កែ ហៅផ្សារសាំហាន់ក្នុងភូមិបាក់ទូក សង្កាត់ទួលសង្កែ១ ខណ្ឌឬស្សីកែវ ។

ជនសង្ស័យមានឈ្មោះសំសេង វ៉ាន់ឌី អាយុ១២ឆ្នាំ ស្នាក់នៅផ្ទះបងប្អូន នៅម្ដុំទួលសង្កែ មានស្រុកកំណើតនៅខេត្តកំពង់ចាម ជិះម៉ូតូមួយគ្រឿងម៉ាកហុងដាឌ្រីមសេ១២៥ សេរី២០១៨ ពាក់ស្លាកលេខ ភ្នំពេញ ១HC- ៥០៩៨ ធ្វើសកម្មភាពឆក់កាបូប អ្នកលក់ត្រីម្នាក់ តែមិនបានសំរេច ហើយម្ចាស់កាបូបស្រែកថាចោរៗ ត្រូវបានប្រជាពលរដ្ឋ នាំគ្នាព័ទ្ធចាប់បានម្នាក់ វាយឡើងទ្រោមខ្លួន។

តាមសាក្សីបានបន្តទៀតនៅក្នុងសកម្មភាពឆក់ពុំបានសម្រចនោះទេ មានការប្រទាញប្រទង់គ្នាបណ្តាលឲ្យម៉ូតូជនសង្ស័យដួល ហើយត្រូវបានប្រជាពលរដ្ឋនាំគ្នាឃាត់ខ្លួនបានម្នាក់ ។ ចំណែកម្នាក់ទៀតគេចខ្លួនបាត់ស្រមោល ។ ជនសង្ស័យរួមទាំងម៉ូតូត្រូវបាននគរបាលនាំខ្លួន មកស្នាក់ការប៉ុស្តិ៍នគរបាលទួលសង្កែ១ ដើម្បីសាកសួរ និងចាត់ការតាមច្បាប់ ៕