ចាំអ៊ុតទាំងអស់គ្នាណា...លទ្ធផលប្រឡងមធ្យមសិក្សាទុតិយភូមិនឹងត្រូវប្រកាសនៅថ្ងៃទី៩ ខែកញ្ញា សម្រាប់រាជធានីភ្នំពេញនិងខេត្តកណ្ដាល ហើយសម្រាប់បណ្តាខេត្តផ្សេងៗនៅថ្ងៃទី១០ ខែកញ្ញាខាងមុខនេះ...(មានវីដេអូ)

ភ្នំពេញ៖ ដំណើរការ បូក និងផ្ទៀងផ្ទាត់ពិន្ទុ នៃការប្រឡងសញ្ញាបត្រទុតិយភូមិសម័យប្រឡង ២០ សីហា ២០១៨ បានធ្វើការបញ្ចប់ទាំងស្រុងហើយ នេះហើយយោងតាមគេហទំព័រផ្លូវការរបស់ក្រសួងអប់រំ យុវជន និងកីឡា។

បើយោងតាមយោងតាមគេហទំព័រផ្លូវការរបស់ក្រសួងអប់រំ យុវជន និងកីឡា បានលើកឡើងថា "ការបញ្ចប់ទាំងស្រុងនូវដំណើរការស្រង់ បូក និងផ្ទៀងផ្ទាត់ពិន្ទុ នៃការប្រឡងសញ្ញាបត្រទុតិយភូមិ រាជធានីភ្នំពេញ ៖ នាថ្ងៃព្រហស្បតិ៍ ១១រោច ឆ្នាំច សំរឹទ្ធិស័ក ព.ស.២៥៦២ ដំណើរការស្រង់ បូក និងផ្ទៀងផ្ទាត់ពិន្ទុ នៃការប្រឡងសញ្ញាបត្រមធ្យមសិក្សាទុតិយភូមិ ចំណេះទូទៅ និងបំពេញវិជ្ជា សម័យប្រឡង៖ ២០ សីហា ២០១៨ នៅនាយកដ្ឋានកិច្ចការប្រឡង ត្រូវបានបញ្ចប់ទាំងស្រុង ក្រោមការបំពេញភារកិច្ចយ៉ាងសកម្ម និងប្រកបដោយទំនួលខុសត្រូវខ្ពស់ពីសមាជិកអនុគណៈកម្មការគ្រប់គ្រងសន្លឹក MCS អនុគណៈកម្មការស្រង់ បូកពិន្ទុដោយកុំព្យូទ័រ និងគណៈកម្មការទាំងអស់ ព្រមទាំងការចូលរួមសង្កេតការណ៍ជាប្រចាំពីមន្ត្រីអង្គភាពប្រឆាំងអំពើពុករលួយផងដែរ ដែលអាចធានាបាននូវការប្រឡងស្របតាមគោលការណ៍ច្បាប់ យុត្តិធម៌ តម្លាភាព និងលទ្ធផលទទួលយកបាន"។