មុខស្អាតបាតដែរ មិនគួរណាមកធ្វើចោរ!!! ជនសង្ស័យ២នាក់ លួចឡានពីខេត្តព្រះសីហនុ ទៅជាប់ខ្នោះ នៅខេត្តត្បូងឃ្មុំ
ត្បូងឃ្មុំៈ កាលពីរសៀល ថ្ងៃទី៦ ខែកញ្ញា ឆ្នាំ២០១៨ សមត្ថកិច្ចបានធ្វើការចាប់ឃាត់ខ្លួនសង្ស័យ២នាក់ នៅហាងកាហ្វេយើង ស្ថិតនៅភូមិ ស្លាបក្តោង ឃុំជប់ ស្រុកត្បូងឃ្មុំ ខេត្តកំពង់ចាម ពាក់ពន្ឋ័ករណីលួចរថយន្តមួយគ្រឿងម៉ាកកាមរីបាឡែនពីខេត្តព្រះសីហនុ រត់ចូលមកខេត្តត្បូងឃ្មុំ។
ជនសង្ស័យទី១ឈ្មោះ ធឿន ចាន់ថា ភេទប្រុស អាយុ២៥ឆ្នាំ និងទី២ ឈ្មោះ ឈុន ភាល័យ ភេទប្រុស អាយុ២៨ឆ្នាំ។ ដកហូតបាន រថយន្តម៉ាក កាមរីបាឡែនពណ៌ទឹកប្រាក់១គ្រឿង ពាក់ស្លាកលេខ ភ្នំពេញ 2N-2923 ដែលលួចចេញពីក្រុងព្រះសីហនុ កាលពីថ្ងៃទី២១ ខែសីហា ឆ្នាំ២០១៨។ សមត្ថកិច្ចខេត្តត្បូងឃ្មុំ បានទាក់ទងទៅខាងនគរបាលខេត្តព្រះសីហនុ ឲ្យមកទទួលជនសង្ស័យទាំង២នាក់ ដើម្បីចាត់ការតាមច្បាប់៕
ហាមដាច់ខាតការយកអត្ថបទ ពីវេបសាយ khmernews.news ដោយគ្មានការអនុញាត។