ខ្លាំងបាត់... កំពុងអង្គុយញុាំអីមួយភ្លែតសោះ ចោរលួចរថយន្ត តារាចំរៀងរ៉េប MC Bull ទៅបាត់ កុំតែមានប្រព័ន្ធGPS កុំអី...
ភ្នំពេញ ៖ ក្រុមជនសង្ស័យដែលបានលួចយករថយន្ត Camary បាឡែនរបស់តារាចំរៀងរ៉េប MC Bull ជិះគេចខ្លួន កាលពីវេលាម៉ោង៣និង២០នាទី ទាបភ្លឺ ចូល ថ្ងៃទី៧ ខែកញ្ញា ឆ្នាំ២០១៨ ម្ចាស់រថយន្តដេញតាមរហូត រកឃើញនៅម្ដុំដីឡូមួយកន្លែង នៅក្នុងភូមិចំបក់ ឃុំវល្លិ៍ស ស្រុកសំរោងទង ខេត្តកំពង់ស្ពឺ ។
សមត្ថកិច្ចបានប្រាប់ថា នៅមុនពេលកើតហេតុ រូបគាត់បានបើករថយន្តមួយគ្រឿង ម៉ាកកាម៉ារី បាឡែន ពណ៌ ទឹកប្រាក់ ពាក់ស្លាកលេខភ្នំពេញ 2AB-3664 មកឈប់ចាំយកប្អូននៅមុខបុរីចំការដូងខណ្ឌដង្កោ។ បុរសសង្ហារលោក MC Bull បានប្រាប់ថា គាត់បានចូលទៅអង្គុយញាំអីបានមួយសន្ទុះ ប្អូនស្រីរបស់គាត់ក៏បានមកដល់។ប្អូនសួរគាត់ថា បង ឡាននៅណា? ស្រាប់តែ ភ្ញាក់ព្រើត ទើបគាត់ប្រញាប់ដកទូរស័ព្ទមកមើលឃើញ លោតសញ្ញា GPS ប្រាប់មកពីសកម្មភាពរថយន្តរបស់គាត់ បានធ្វើដំណើរចេញទៅ។ បន្ទាប់ពីឃើញសញ្ញា GPS លោត លោកក៏បានសហការណ៍ជួយនិងសមត្ថកិច្ច បានស្វែងរកតាមប្រព័ន្ធ GPS ឃើញវិញហើយ នៅស្រុកសំរោងទង ខេត្តកំពង់ស្ពឺ ដោយសមត្ថកិច្ចមិនទាន់អាចបញ្ជាក់ថា ជនសង្ស័យមានគ្នាប៉ុន្មាននាក់នៅឡើយទេ៕ ដោយ៖ អាខ្មៅ
ហាមដាច់ខាតការយកអត្ថបទ ពីវេបសាយ khmernews.news ដោយគ្មានការអនុញាត។