កាលពីថ្ងៃទី០៧ ខែកញ្ញា ឆ្នាំ២០១៨ ម្សិលមិញនេះបើយោងតាមគណនេយ្យហ្វេសប៊ុករបស់ប្រធានគណបក្ស ខ្មែរក្រោក លោក សុខសុវណ្ណ វឌ្ឍនា សារពង្ស ហៅ វិល្លាម បានរៀបរាប់ថា៖

«ភារកិច្ចថ្មីនេះ ជាអំរែក និងទំងន់ ដែលត្រូវទូលបញ្ហាជាច្រេីនរបស់ពលរដ្ឋ និងដោះស្រាយបញ្ហាជូនពលរដ្ឋ ក្នុងភាពជាអ្នកបំរេីរបស់ពលរដ្ឋ សូមបងប្អូនជនរួមជាតិផ្ដល់ព័ត៌មានមកខ្ញុំបាទប្រសិនជាបងប្អូនជួបបញ្ហាអយុត្តិធម៌ ការរំលោភបំពាន ការស៊ីសំណូក ការជិះជាន់ ភាពអសកម្ម ដែលកេីតឡេីងពីមន្ត្រីរាជកាសាធារណៈ ឬការផ្ដល់សេវាសាធារណៈមិនបានគ្រប់គ្រាន់ដោយខ្វះក្រមសីលធម៌ បញ្ហាជនអន្តោប្រវេសន៍មកបង្ករភាពស្មុគស្មាញដល់កម្ពុជា «ក្រុងព្រះសីហនុ» ខ្ញុំបាទនិងប្រឹងប្រែងអោយអស់ពីលទ្ធភាពក្នុងការជួយបងប្អូនជនរួមជាតិដោះស្រាយបញ្ហាទាំងនេះ ក្នុងនាមខ្ញុំជាសមាជិក ឧត្តមក្រុមប្រឹក្សាពិគ្រោះនិងផ្ដល់យោបល់ មកពីគណបក្សខ្មែរក្រោក ខ្ញុំបានទទួល «អំរែក និង ទំងន់» នេះគឺដេីម្បីមានឱកាសកសាងជាតិមាតុភូមិយកគំនិតថ្មីនៃយុវជនជំនាន់ថ្មីក្នុងការសាបព្រួសក្នុងបរិបទនយោបាយ ជាពិសេសបំផុតគឺមានឱកាស ការពារប្រយោជន៍បងប្អូនជនរួមជាតិ ការពារសិទ្ធ ការពារអំណាចរបស់បងប្អូនជនរួមជាតិ និងធ្វេីជាតំណាងអោយពលរដ្ឋរងគ្រោះទាំងអស់ក្នុងការតស៊ូមតិទាមទាអ្វីដែលយេីងបាត់បង់ត្រឡប់មកវិញ ទាំងសិទ្ធនិងអំណាច ! ព្រោះមានតែការតតាំងដោយឈរលេីបទដ្ឋានគតិយុត្តិច្បាប់ប៉ុណ្ណោះដែលមានទំងន់អាចដោះស្រាយបញ្ហាជាតិនិងបញ្ហារបស់ប្រជាជាតិបានរលូន ហេីយការអនុវត្តន៍នេះដោយអនុលោមទៅតាមច្បាប់ស្ដីពីការរៀបចំនិងការប្រព្រឹត្តទៅនៃឧត្តមក្រុមប្រឹក្សាពិគ្រោះនិងផ្ដល់យោបល់ដែលមានភាៈសំខាន់ៗ៣ជាធំ ១ ឧត្តមក្រុមប្រឹក្សាពិគ្រោះនិងផ្ដល់យោបល់មានតួនាទី ផ្ដល់មតិ ផ្ដួចផ្ដេីមគំនិតលេីការរៀបចំគោលនយោបាយរបស់រដ្ឋាភិបាល ២ ឧត្តមក្រុមប្រឹក្សាពិគ្រោះនិងផ្ដល់យោបល់មានតួនាទីចូលរួមអោយយោបល់ សិក្សា កែប្រែ ស្ថាបនាលេីលេីសេចក្ដីព្រាងច្បាប់មុនគណរដ្ឋមន្ត្រីអនុម័ត, និងរៀបចំនិតីវិធីតតាំងទៅព្រឹទ្ធសភាចំពោះច្បាប់ដែលអនុម័តដោយរដ្ឋសភាប្រសិនជាមិនប្រក្រតី ៣ ឧត្តមក្រុមប្រឹក្សាពិគ្រោះនិងផ្ដល់យោបល់មានតួនាទីប្ដឹងទៅនាយករដ្ឋមន្ត្រី រាយការទៅនាយករដ្ឋមន្ត្រីនូវអំពេីអយុត្តិធម៌ ភាពអសកម្ម ការរំលោភណាមួយរបស់រដ្ឋមន្ត្រីទៅលេីពលរដ្ឋ» ៕