ភ្នំពេញៈ តារាកំប្លែង និងជាតារាសម្ដែងជើងចាស់ម្នាក់ នាយ ឆើត មុននេះបន្តិចបានជួបគ្រោះដ៏អាក្រក់មួយបានកើតឡើងមកលើគាត់ ដោយនាយ ឆើតបានជួប គ្រោះថ្នាក់ចរាចរណ៍បណ្ដាលឲ្យលោក រងរបួសយ៉ាងធ្ងន់ធ្ងរ បាក់ឆ្អឹងដងកាំបិត១ និងឆ្អឹងជំនីអស់៤ កាលពីយប់មិញនេះ។ ក្នុងស្ថានភាពពេលនេះ លោក កំពុងត្រូវបានក្រុមគ្រួសារបញ្ចូនចូលទៅសង្គ្រោះនៅមន្ទីរពេទ្យជាបន្ទាន់។

នេះបើយោងតាមសម្ដីកូនប្រុសរបស់នាយ បានបង្ហោះសាររៀបរាប់ទាំងក្ដុកក្ដួលថា ពេលនេះ ប៉ាខ្ញុំ ពៅ គីសាន់ ហៅនាយ ឆើត គ្រោះថ្នាក់ចរាចរណ៍ រងរបួសជាទម្ងន់បាក់ឆ្អឹងដងកាំបិត១ ឆ្អឹងជំនី៤ លោកអើយ សូមទេវតា ជួយថែរក្សាអោយគាត់សុខសប្បាយផងចុះ។ ជាក់ស្ដែង គ្រាន់តែទទួល បានដំណឹងនេះភ្លាមក៏មានអ្នកគាំទ្រ មានការតក់ស្លុតជាខ្លាំង ព្រោះតែមិននឹកស្មានថា លោក ត្រូវជួបហេតុការណ៍អាក្រក់បែបនេះឡើយ។យ៉ាងណាមិញ ក្នុងនោះពួកគេម្នាក់ៗ ក៏មិនភ្លេចផ្ញើសារជូនពរតារាកំប្លែង នាយ ឆើត នឹងរំពឹងថាលោក មុខជាអាចគេចផុតពីគ្រោះថ្នាក់លើកនេះជាក់ជាមិនខាន ៕