ក្រោយពីមានជម្លោះ ដោយបានវាយប្រហារគ្នាទៅវិញទៅមកលើបណ្តាញសង្គម រវាង ចាងហ្វាង​ផលិតកម្ម​មហាហង្ស និង​តារា​សម្ដែង ណាក់ ស្រីណា​ មក ពេលនេះអ្វីក៏ត្រូវបានបញ្ចប់ ទៅវិញដោយលោកចាងហ្វាង និងកញ្ញា បានថយមួយជំហានម្នាក់។

ទន្ទឹមនឹងជំលោះរវាងកញ្ញា ស្រីណា និងលោក អ៊ិន សុភិន នៅតែបន្តនោះ ក៏មានការសម្របសម្រួលពីលោកហេង ឡុង ដោយសន្តិវិធី ។ នៅក្នុងការសម្របសម្រួលនោះផងដែរ លោក ហេង ឡុង ក៏បានលើកឡើងនៅក្នុងគណនីហ្វេសប៊ុករបស់លោកថា "សូមអបអរសាទរចំពោះកញ្ញានាក់ស្រីណា​ និង​លោក​ អុិន​សុភិន​ ដែលជាអគ្គនាយកក្រុមហ៊ុនផលិតកម្មមហាហង្ស​ ក្រោមការសម្របសម្រួលរបស់សមាគមសិល្បករខ្មែរ​ ភាគីទាំងពីរបានទទួលយកដំណោះស្រាយដោយវិជ្ជមាននិងប្រកបដោយរីករាយ។ នេះគឺជាគំរូដ៏ល្អមួយសម្រាប់សិល្បករសិល្បការិនី​ និង​ ផលិតករផ្សេងៗទៀតគួរឲ្យយកគំរូតាម​ ប្រសិនបើយើងមានបញ្ហាយល់ច្រឡំនឹងគ្នា​ គួរតែដោះស្រាយដោយសន្តិវិធីនិងប្រកបដោយសេចក្តីថ្លៃថ្នូរ​។ សូមបងប្អូនជួយស៊ែរចែករំលែកព័ត៌មានដ៏រីករាយមួយនេះដើម្បីឲ្យដល់ផលិតនិងសិល្បៈករសិល្បៈការនីផ្សេងៗទៀត??"។ ក្រោយពីមានការសម្របសម្រួលពីលោក ហេង ឡុង រួមមក កញ្ញា ស្រីណា បញ្ជាក់​ថា នាង​សុខ​ចិត្ត​ចូល​ខ្លួន​សុំ​ទោស​លោក អ៊ិន សុភិន ក្រោយ​នាង​យល់​ថា អ្វី​ដែល​ខ្លួន​បាន​ធ្វើ​កន្លង​មក បាន​ប៉ះពាល់​ដល់​ក្រុមហ៊ុន​មហាហង្ស ក៏​ដូច​ជា​អគ្គនាយក​ក្រុម​ហ៊ុន​រូប​នេះ។ ហើយកញ្ញា ក៏បានបន្តទៀតថា "នាងខ្ញុំពិតជារីករាយបំផុតនិងសូមអរគុណខ្លាំងណាស់ចំពោះបងប្រុស Heng Loong និងបងស្រីចន ចន្ទ័លក្ខិណា ប្រធានសមាគមន៍សិល្បៈករខ្មែរដែលបងទាំងពីរបានជួយក្នុងការសម្របសម្រួល និងផ្តល់នូវដំណោះស្រាយយ៉ាងល្អប្រសើរសំរាប់នាងខ្ញុំក៏ដូចជាសិល្បៈករសិល្បៈការិនីជាច្រើនផ្សេងទៀតដែលតែងតែជួបបញ្ហា ។ សូមគោរពអរគុណបងទាំងពីរ ដែលតែងតែមានឆន្ទះនិងបេះដូងប្រកបដោយព្រហ៍វិហាធម៍ក្នុងការជួយដោះស្រាយនិងលើកស្ទួយដល់សិល្បៈខ្មែរដោយទឹកចិត្តស្មោះស្មគ្រ័??????❤️??❤️" ។ ដោយឡែក លោក អ៊ិន សុភិន ចាងហ្វាង​ផលិតកម្ម​មហាហង្ស​ រូបនេះ ក៏ព្រមទទួលយកការសុំទោស របស់កញ្ញា ស្រីណា ហើយ​លោក​ក៏បាន​យល់​ព្រមទូទាត់​ប្រាក់ឲ្យ​នាង​ចប់សព្វ​គ្រប់ កុំឲ្យ​មាន​រឿងវែង​ឆ្ងាយ៕ ប្រភព៖ កញ្ញា ស្រីណា