កីឡាការនីកូនខ្មែរកាត់អាមេរិកកាំង ដែលនាពេលថ្មីនេះ ទទួលបានការគាំទ្រជាខ្លាំង ពីសំណាក់កូនខ្មែរជាច្រើន។ កីឡាការិនី វ័យ១៦ឆ្នាំ កញ្ញា Jessa Khan ដែលទើបតែដណ្តើមបានមេដាយមាសជូនព្រះរាជាណាចក្រកម្ពុជាតិ ក្នុងព្រឹត្តិការណ៍ Asian Game ឆ្នាំ២០១៨ ដោយផ្តួលកីឡាការនីសញ្ជាតិអារ៉ាប់រួម ក្នុងវគ្គផ្តាច់ព្រ័ត្រ ។ ប្រភេទកីឡាដែលកញ្ញា បានចូលរួមប្រកួត ជាប្រភេទ ជឺជិតស៊ូ ប្រភេទទម្ងន់៤៩គីឡូក្រាម ហើយប្អូនធ្វើបានយ៉ាងល្អ។

ជាក់ស្តែងកីឡាការនី Jessa Khan រូបនេះ ក៏បានចូលរួមធ្វើបទសំភាសន៍ និងបទពិសោធន៍ជាច្រើនដែលកញ្ញាបានឆ្លងកាត់។ នៅក្នុងនោះ កីឡាការនីដ៏វ័យក្មេងរូបនេះក៏បានបង្ហាញអារម្មណ៍ យ៉ាងសប្បាយរីករាយ ដែលរូបនាងបានដណ្តើមមេដាយមាសជូនកម្ពុជា។ នៅក្នុងសំលៀកបំពាក់បែបប្រពៃណីខ្មែរ យ៉ាងស្រស់ស្អាត អមជាមួយមេដាមាសផងនោះ ធ្វើឲ្យកម្ពុជាកាន់តែមានមោទនភាពជាមួយយុវតីម្នាក់នេះ។ បើយោងតាមគណនីហ្វេសប៊ុកផេ " U.S. Embassy Phnom Penh, Cambodia" បានធ្វើបទសម្ភាសន៍លើយុវតីដ៏មានស្នាដៃ Jessa "អ្វីដែលអ្នករង់ចាំបានមកដល់ហេីយ! យើងមានក្តីរំភើបណាស់ ដោយនៅទីបំផុត យើងបានជួប និងជជែកជាមួយ Jessa Khan នៅថ្ងៃនេះ។ Jessa បានទទួលមេដាយមាសផ្នែកកីឡា Jui Jitsu នៅក្នុងការប្រកួតកីឡាអាស៊ី ឆ្នាំ ២០១៨។ ចូរយើងអបអរទាំងអស់គ្នាចំពោះជ័យជំនះដ៏អស្ចារ្យនេះ! សូមសរសេរសំណួររបស់អ្នក នៅត្រង់កន្លែងផ្តល់មតិ បើលោកអ្នកចង់ដឹងបន្ថែមទៀតអំពីនាង។" បើចង់ដឹងកាន់តែច្បាស់នោះ កុំភ្លេចទៅទស្សនាវីដេអូប្អូនស្រីទាំងអស់គ្នា៖ ប្រភព៖​ U.S. Embassy Phnom Penh, Cambodia