ភ្នំពេញ៖ មានហេតុការភ្ញាក់ផ្អើលទាំងព្រឹកតែម្ដង ខណៈប្រជាពលរដ្ឋដែលរស់នៅជាប់ផ្លូវ៦០ម៉ែត្រ ស្ថិតក្នុងភូមិបាគូ សង្កាត់ដង្កោ ខណ្ឌដង្កោ រួុមទាំងអ្នកធ្វើដំណើរតាមដងផ្លូវ បានប្រទះឃើញម៉ូតូមួយគ្រឿងម៉ាកស្កុបពី ពណ៌ក្រហម ស្លាកលេខ ភ្នំពេញ 1AW-9581 ត្រូវបានគេយកមកប្លុងចោលមិនឃើញម្ចាស់មកយក។

បើយោងតាមប្រភពព័ត៌មានពីប្រជាពលរដ្ឋដែលនៅក្បែរកន្លែងកើតហេតុបានឲ្យដឹងថា ពួុកគាត់បានឃើញម៉ូតូមួុយគ្រឿងខាងលើនេះបានចតទុកចោលតាំងពីយប់មកម្លេះ ដោយមិនដឹងថា ម្ចាស់ឈប់ម៉ូតូចុះបត់ជើង ឬក៏ពាក់ព័ន្ធនោះទេ ហើយពួុកគាត់ក៏មិនខ្វល់ ក៏បានសម្រាក រហូតព្រឹកឡើងស្រាប់តែម៉ូតូនេះនៅតែចតនៅនិងកន្លែងដដែល ទើបពួុកគាត់រាយការណ៍ទៅសមត្ថកិច្ចមូលដ្ឋានតែម្ដង ។ ក្រោយពីសមត្ថកិច្ចមូលដ្ឋានទទួុលបានដំណឹងនេះភ្លាម ពួុកគាត់ក៏ចុះទៅយកម៉ូតូនោះទៅរក្សាទុកបណ្តោះអាសន្ននៅប៉ុស្តិ៍ជើងឯកដើម្បីរង់ចាំម្ចាស់យកឯកសារមកទទួលវិញ៕