ទៅជាចឹងទៅ នៅចាំនារីដែលយកសត្វព្រៃធ្វើម្ហូបទេ?! ថតវីដេអូនិយាយខ្មែរ ច្បាស់ចែស បែរជាសារព័ត៌មានចិន និយាយបំភ្លើសថា នាងជាជនជាតិ....
ភ្នំពេញ៖ កាលពីប៉ុន្មានខែមុននេះ មានការផ្ទុះរឿង វីដេអូសម្លាប់សត្វព្រៃធ្វើម្ហូបរបស់នារីស្រស់ស្អាតម្នាក់ធ្វើបង្ហោះរកលុយលើបណ្ដាញចែកចាយវីដេអូយូធូប ត្រូវបានរងការរិះគន់ថា បំផ្លាញសត្វព្រៃដែលរដ្ឋាភិបាលកំពុងតែអភិវឌ្ឍន៍ បន្ទាប់មកពួកគេក៏ចូលសារភាពទោសកំហុស និងទទួលកំហុស នៅរសៀលថ្ងៃទី១០ ខែឧសភា ឆ្នាំ២០១៨ ជាមួយសមត្ថកិច្ចពាក់ព័ន្ឋ នៅក្រសួងបរិស្ថាន ។
ក្រោយពីស្ងប់ស្ងាត់មួយរយៈ ស្រាប់តែកាលពីពេលថ្មីៗនេះ មានវីដេអូរបស់នាងក៏បានលេចនៅក្នុង សារព័ត៌មានចិន បានចុះផ្សាយ ដោយក្នុងនោះគេក៏បានរៀបរាប់ពីការធ្វើម្ហូបរបស់នាង ឲ្យកាន់តែទទួលបានការចាប់អារម្មណ៍ខ្លាំងពីសំណាក់ពីអ្នកលេងក្នុងបណ្តាញ។ តែអ្វីដែលកាន់តែគួរឲ្យឆ្ងល់នោះគឺ គេបានសរសេរថានាងជាជនជាតិវៀតណាមទៅវិញ ទាំងដែលគ្រប់វីដេអូនីមួយៗរបស់នាង សុទ្ធតែនិយាយខ្មែរយ៉ាងច្បាស់។ ក្រោយពីបានឃើញដូច្នោះ ក៏មានមហាជនជាច្រើនពិតជាហួសចិត្តយ៉ាងខ្លាំងតែម្តង ព្រោះមិននឹកស្មានថាមានសារព័ត៌មានចុះផ្សាយបែបនេះ ថែមទាំងថានាងជាជនជាតិវៀតណាមទៀត៕
ហាមដាច់ខាតការយកអត្ថបទ ពីវេបសាយ khmernews.news ដោយគ្មានការអនុញាត។