ឪពុកម្ដាយគ្មានទំនួលខុសត្រូវទោះខ្មាសអៀនប៉ុណ្ណា​ បើជ្រុលជាមានផ្ទៃពោះជិតគ្រប់ខែទៅហើយ​ ថែរក្សាគ្នាអោយកើតហើយ​ ចង់ទៅណាក៏ទៅៗ​ ចាំបាច់កើតមកភ្លាមយកទៅចោល​ នេះជាជីវិតណា​ សំណាងហើយគេប្រទះឃើញនៅរស់

ទារកទើបនឹងកើតថ្មីៗ ត្រូវបានពលរដ្ឋប្រទះឃើញនៅលើដីចំការក្រោយ ភូមិក្រាំងដូនទៃ សង្កាត់ចោមចៅ២ ខណ្ឌពោធិសែនជ័យ មិនដឹងថា ម្តាយ ឬឪពុក រូបណាចិត្តអប្រិយ បោះបង់ចោលកូនរបស់ខ្លួន ដូចសត្វធាតុ តែសំណាងល្អ ទារកនៅមានជីវិតនៅឡើយ ហើយត្រូវបានប្រជាពលរដ្ឋឮសូរសម្លេងយំ រកមើលទើបឃើញរើសយកទៅរក្សាបីបាច់ថែទាំសុខភាព កាលពីវេលាម៉ិង៣និង៥០នាទីរសៀល ថ្ងៃទី០៨ ខែកញ្ញា ឆ្នាំ២០១៨ ។ តែទោះជាយ៉ាងណាក្តី ទារកខាងលើ បន្ទាប់ពីយកចូលដល់ផ្ទះ បានរាយការណ៍ជាបឋមជូនទៅអាជ្ញាធរ ហើយសំខាន់ សង្រ្គោះអាយុជីវិតក្មេងជាមុនសិន ខណៈដែល ស្រមោចរោម បង្កឲ្យស្លាកស្នាមពេញខ្លួន ហើយផ្ចិត មិនទាន់ចង រាងកាយមិនទាន់ជូតលាង ទើបសម្រេចយកទៅពិនិត្យសុខភាព នៅមន្ទីរពេទ្យបង្អែកពោធិចិនតុង ដើម្បីតាមដានសុខភាពទារកខាងលើបន្ត ៕