លោក វិល្លាម នឹងចុះសិក្សាផ្ទាល់ ចំពោះរឿងលុបឆ្នេរសមុទ្រ ដែលលោក យន្ត មីន អះអាងថាលុប ជាការស្របច្បប់...
សីហា
- 1085

ភ្នំពេញ៖ កាលពីថ្ងៃទី០៩ ខែកញ្ញា ឆ្នាំ២០១៨ នេះបើយោងតាមគណនេយ្យហ្វេសប៊ុករបស់ប្រធានគណបក្ស ខ្មែរក្រោក លោក សុខសុវណ្ណ វឌ្ឍនា សារពង្ស ហៅ វិល្លាម បានលើកយកនូវចំនុចទាក់ទិននឹង ការចាក់ដីលេីឆ្នេរខ្សាច់ តើវាមានផលប៉ះពាល់ និងផ្តល់សោភណភាពយ៉ាងណាខ្លះ សូមអានការរៀបរាប់របស់លោកខាងក្រោម៖

លោក យន្ត មីន អភិបាលនៃគណអភិបាលក្រុងព្រះសីហនុបាននិយាយថា ថាការចាក់ដីលុបឆ្នេរសមុទ្រ ចំនុច ព្រែកត្រែង ជា រឿងស្រប ច្បាប់ នេះបេីយោងតាមការផ្សាយរបស់ វិទ្យុវាយោ មុននេះបន្តិច ដែលលោកបន្ថែមទៀតថា ៖ គេរៀបចំរមណីយដ្ឋាន ហេីយជាក្រុមហ៊ុនខ្មែរទេ មិនមែនក្រុមហ៊ុនចិនទេ ។
ដូចនេះក្នុងនាមជាសមាជិកឧត្តមក្រុមប្រឹក្សាពិគ្រោះនិងផ្ដល់យោបល់ ខ្ញុំនឹងចុះសិក្សាផ្ទាល់ ចំពោះករណីរៀបចំរមណីយដ្ឋាន អភិវឌ្ឍន៍ដោយចាក់ដីលេីឆ្នេរខ្សាច់នេះ ជាពិសេសចង់សិក្សាផ្ទាល់ថាតេីការអភិវឌ្ឍន៍នេះវាស៊ីសង្វាក់និង សារាចរណែនាំ លេខ ០១ សរណន ៖ ស្ដីពីការអភិវឌ្ឍន៍តំបន់ឆ្នេរសមុទ្រនៃព្រះរាជាណាចក្រកម្ពុជា ចុះថ្ងៃទី៣ ខែ កុម្ភៈ ឆ្នាំ ២០១២ ដែរឬទេ ។
តេីវាមានផលប៉ះពាល់អ្វីខ្លះ ជះឥទ្ធិពលដល់សោភណភាពឆ្នេរសមុទ្រយ៉ាងណាខ្លះ ផ្ទុយនិងទិដ្ឋភាពច្បាប់បែបណាខ្លះ ហេីយការឯកភាពអោយអភិវឌ្ឍន៍របៀបនេះតេីមន្ត្រីណាកេងប្រយោជន៍ខ្លះ ក្រោយសិក្សាឃេីញខ្ញុំនិងរៀបចំរបាយការនោះទៅលោកនាយករដ្ឋមន្ត្រីពិនិត្យពិចារណា ។

Loading...