ភ្នំពេញៈ តារាចម្រៀងលំដាប់ជួរមុខ ឱក សុគន្ធកញ្ញា ក្រោយពីភ្ជាប់ពាក្យគូរដណ្ដឹងរួចមក ឃើញថាកញ្ញា មួយរយះក្រោយនេះ កាន់តែហ៊ានបង្ហាញរូបភាពផ្អែមល្ហែម ជាមួយគូដណ្តឹងជាសាធារណៈហើយ ស្របពេលដែលនាងមិនធ្លាប់បានបង្ហាញមុខពីមុនមកនោះទេ។

ជាក់ស្តែង ថ្ងៃកំណើតរបស់តារារូបនេះ ក៏ចូលមកដល់ អ្វីដែលគួរឲ្យភ្ញាក់ផ្អើល និងរំភើបជំនួសនាងនោះគឺ នាងទទួលបានក្តីសុខពីគ្រួសារខ្លាំង ជាពិសេសកាន់តែគៀកជិតដល់ថ្ងៃរៀបការ ជាមួយគូដណ្តឹងសំណព្វចិត្តរបស់ខ្លួន ហើយក្នុងថ្ងៃនេះដែលលោកក៏បាន Surprise នៅក្នុងថ្ងៃកំណើត ទោះបីជាមិនទាន់ដល់ថ្ងៃពិតប្រាកដរបស់នាង យ៉ាងណាក្តី។ រាល់រូបភាពនៅក្នុងថ្ងៃពិសេសនេះ ឃើញថានាងបានទទួល ក្តីសុខពិតប្រាកដ ដែលពោរពេញដោយស្នាមញញឹមពីគូដណ្តឹង ទោះបីជាពួកគេមិនទាន់បានរៀបការនឹងគ្នាយ៉ាងណាក្តី។ ក្រោយពីបានឃើញរូបភាពទាំងនេះ អ្នកគាំទ្រជាច្រើនពិតជាសប្បាយចិត្តជំនួសរូបនាងខ្លាំង ដោយមិនត្រឹមតែមានគ្រួសារដ៏កក់ក្តៅនោះទេ តែនាងក៏មានអនាគតស្វាមីដែលយល់ចិត្ត និងធ្វើឲ្យនាងសប្បាយចិត្តបែបនេះ ខណៈពេលដែលអ្នកទាំងពីរបានមានចិត្តលើគ្នា មិនតិចជាង៥ឆ្នាំនោះទេ ៕