កាលពីថ្ងៃម្សិលមិញ មានប្អូនៗជាបានដឹងពីលទ្ធផលប្រឡង មានអ្នកខ្លះក៏ទទួលបាននិទ្ទេសល្អ ហើយអ្នកខ្លះទៀតក៏ទទួលបាននិទ្ទេសមិនល្អ។ ថ្ងៃនេះយើងមកមើស្គាល់មុខ ប្អូនប្រុសម្នាក់ ដែលមានឈ្មោះថា ប៉េង គឹមហេង ដែលជាសិស្សឆ្នើម ដែលទទួលបាននិទ្ទេស ហើយលំដាប់ពិន្ទុ 100.000 តែម្តង។

បើយោងតាមគណនីហ្វេសប៊ុកមួយដែលមានឈ្មោះថា លី ប៊ុនឆៃ - Bunchhay LY បានធ្វើការសារទរចំពោះប្អូនប្រុស ដែលប្រឡងបាននិទ្ទេស A ហើយលំដាប់ពិន្ទុ ១០០.០០០ ក៏បានរៀបរាប់ទាំងក្តីត្រេកអរថា "រូបថតជាមួយ​ សិស្សប៊ែលធី និទ្ទេស A លំដាប់ពិន្ទុ ១០០.០០០ “ប៉េង គីមហេង” ដែលទទួលបានលំដាប់ពិន្ទុខ្ពស់ជាងគេទូទាំងប្រទេស។ សម័យប្រឡង ២០.សីហា.២០១៨។ ប៊ែលធី រក្សាតំណែងសិស្សនិទ្ទេស A លំដាប់ពិន្ទុ ១០០.០០០ បីឆ្នាំជាប់គ្នាហើយ។ ប្អូនប្រុស មកពី វិទ្យាល័យ ប៊ែលធីអន្តរជាតិទី៧ ភ្នំពេញ មានលេខតុ ២៦២ ដណ្ដើមបាននិទ្ទេសតាមមុខវិជ្ជា A ទាំងអស់"។ គួររំលឹកផងដែរថា កាលពីឆ្នាំ ២០១៧ សិស្សប៊ែលធីម្នាក់ដែរទទួលបានលំដាប់ពិន្ទុ ១០០ពេញដូចគ្នានោះ គឺ ប្អូនប្រុស សរ គឺមស៊ា ។ សម្រាប់បាក់ឌុបឆ្នាំ ២០១៨ រកឃើញអ្នកជាប់និទ្ទេសA ចំនួន​ ២៩០នាក់ ក្នុងនោះ​៖ រាជធានី​ភ្នំពេញ ១៣៥នាក់, ខេត្តសៀមរាប ២១នាក់, កណ្តាល ១៦នាក់, បាត់ដំបង ១៥នាក់, តាកែវ ១៥នាក់, កំពង់ចាម ១៣នាក់, កំពត ១១នាក់, ត្បូងឃ្មុំ ៩នាក់, កំពង់ធំ ៩នាក់, កំពង់ឆ្នាំង ៩នាក់, បន្ទាយមានជ័យ ៩នាក់, ព្រៃវែង ៨នាក់, ក្រចេះ ៦នាក់, ពោធិ៍សាត់ ៤នាក់, ស្វាយរៀង ៣នាក់, កំពង់ស្ពឺ ៣នាក់, ព្រះសីហនុ ៣នាក់ និងរតនគិរី ១នាក់។ ប្រភព៖ លី ប៊ុនឆៃ - Bunchhay LY