ចុមចែនេះដូចជាកាងម្លេះ!!! នាងហ្គិច ល្បីតាំងពីក្រៅគុក រហូតដល់នៅក្នុងគុក ក៏នៅតែល្បីទៀត ករណីវៃតប់គ្នាផ្អើលពន្ធនាគារ នៅខេត្តកណ្តាល

កណ្ដាលៈ នៅថ្ងៃទី៩ ខែកញ្ញា ឆ្នាំ២០១៨នេះ ស្ត្រីឈ្មោះ កែវ រតនៈ ហៅ ហ្គិច ដែលធ្លាប់មានរឿងអាស្រូវជាច្រើន និងកំពុងជាប់ពន្ធនាគារខេត្តកណ្ដាល ឥឡូវនេះបានបង្កហិង្សាវៃតប់គ្នា ជាមួយអ្នកទោសដូចគ្នាផ្អើលពន្ធនាគារ។

ប្រភពព័ត៌មានច្បាស់ការណ៍មួយ ចេញពីពន្ធនាគារខេត្តកណ្ដាល បង្ហើបថា ក្រោយពីមានអំពើហិង្សារួចមក អនុប្រធានពន្ធនាគារទទួលផែនសន្តិសុខឈ្មោះ ហឿន វណ្ណារិទ្ធ បានចូលទៅឃាត់កុំឲ្យមានការវៃតប់គ្នា។ ប៉ុន្តែក្រោយមក នាងហ្គិច បានចោទប្រកាន់ឈ្មោះ ណារិទ្ធ ថាបានប្រើហិង្សាលើនាង ហើយបានប្តឹងទៅតុលាការរាជធានីភ្នំពេញ តែម្ដង។ ទោះបីយ៉ាងណា នៅថ្ងៃទី៩ ខែកញ្ញា ឆ្នាំ២០១៨ នៅពុំទាន់អាចទំនាក់ទំនងលោក ចាត ស៊ីនាង ប្រធានពន្ធនាគារខេត្តកណ្ដាល បានទេ ដោយសារទូរស័ព្ទមិនអាចទំនាក់ទំនងបាន ។

គួរបញ្ជាក់ថា ស្ត្រីឈ្មោះ កែវ រតនៈ ហៅ ហ្គិច ដែលធ្លាប់មានរឿងអាស្រូវជាច្រើន និងធ្លាប់ជាប់ពន្ធនាគារផងនោះ ឥឡូវនេះ ត្រូវបានព្រះរាជអាជ្ញាខេត្តកណ្ដាល នៅថ្ងៃទី១៨ ខែមេសា ឆ្នាំ២០១៨ សម្រេចចោទប្រកាន់ចំនួន៣បទល្មើស រួមមាន " ១.ប្រើប្រាស់ឯកសារសាធារណៈក្លែង ២.បទគំរាមកំហែងថានឹងសម្លាប់ ៣.បទធ្វើឱ្យខូចខាតដោយចេតនាមានស្ថានទម្ងន់ទោស ដោយសារការប្រើប្រាស់វិធីគ្រោះថ្នាក់ដល់បុគ្គល" ប្រព្រឹត្តនៅចំណុចរោងចក្រផលិតគ្រឿងសង្ហារឹម និងក្តាកុងផ្លាកេ ប្រាយវ៉េ ហ្វើនីឈ័រ ភូមិទឹកជា ឃុំពើក ស្រុកអង្គស្នូល ខេត្តកណ្តាល កាលពីអំឡុងឆ្នាំ២០១៨ តាមមាត្រា៧៨ច្បាប់ស្ដីពីចរាចរណ៍ផ្លូវគោក និងតាមមាត្រា៦៣០ មាត្រា២៣៣ មាត្រា៤១៣នៃក្រមព្រហ្មទណ្ឌ៕