កំពង់ចាម ៖ ហេតុការណ៍ដ៏ភ្ញាក់ផ្អើលមួយបានកើតឡើង កាលពីវេលាម៉ោងវេលា​ម៉ោង​០៧ ​និង​៣០​នាទី​យប់​ថ្ងៃ​ទី​៨ ខែកញ្ញា​ ឆ្នាំ២០១៨ ដោយមានយុវជនម្នាក់ចាប់ ឆ្កែ ឆ្មា ហែកសុីទាំងរស់ ដូចបិសាច ដែលធ្វើអោយមានការភ្ញាក់ផ្អើលយ៉ាងខ្លាំដែលធ្វើអោយប្រជាពលរដ្ឋមានការភ័យក្លាច នៅចំនុចភូមិកោះចិន ឃុំខ្ពង់រាប ស្រុកកោះសូទិន ខេត្តកំពង់ចាម។

អ្នកស្រីឆេង អេង ភេទស្រី អាយុ៤២ឆ្នាំ(លក់ដូរនៅភ្នំពេញ) ត្រូវជាម្តាយរបស់ឈ្មោះរុន រាជ បានប្រាប់ឲ្យដឹងថា កូនអ្នកស្រី ហាក់មានសភាពប្លែកៗ កាន់តែកាចសាហាវ ហែក ឆ្មា១ គីង្គត់១ កូនឆ្កែ៣ក្បាល សុីទាំងរស់ អ្នកស្រីក៏បានមកដល់ផ្ទះហៅកូន ដើម្បីយកទៅព្យាបាលនៅភ្នំពេញ តែឈ្មោះរុន រាជ មានសភាពមិនស្គាល់ម្តាយ។ ស្ត្រី​ជា​ម្តាយ​បន្ត​ថា គាត់​ក៏​បាន​ប្លែក​ក្នុង​ចិត្ត​ដែរ​ ដែល​កូនប្រុស​រូប​នេះ​ចេះ​តែ​រករឿង​ទារ​ត្រឡប់​មក​ផ្ទះ​នៅ​ស្រុក​កោះសូទិន​នេះ​វិញ តែ​គាត់​បាន​ប្រាប់​ថា កុំ​អាល​មក​អី​ ត្រូវ​នៅ​លក់​បន្ត​ទៀត ព្រោះ​ជិត​ដល់​រដូវ​បុណ្យ​ភ្ជំបិណ្ឌ​ហើយ​ ការ​លក់​ក៏​ដាច់​ច្រើន​ដែរ ។ ដោយ​កូន​ទទូច​ពេក ចុង​ក្រោយ​គាត់​បាន​ដក​សោ​ម៉ូតូ​ទុក​ដោយ​តម្រូវ​ឱ្យ​ទិញ​ផ្លែ​ឈើលក់​បន្ត​ទៀត តែ​កូន​នេះ​ មិន​ព្រម​ក៏​បាន​ត្រឡប់​មក​ផ្ទះ​វិញ ។ បើតាមសមត្ថកិច្ចងនគរបាលស្រុកកោះសូទិន បានអោយដឹងថា កំលាំងរបស់លោកបានធ្វើការនៅចាំ ឃ្លាំមើលនៅផ្ទះឈ្មោះរុន រាជ ភេទប្រុសរស់នៅភូមិកោះចិន ឃុំកំពង់រាប ស្រុកកោះសូទិន ដែលជាជនសង្ស័យនោះ ដើម្បីការពារសុវត្ថិភាពជូនប្រជាពលរដ្ឋ។ លុះនៅវេលាម៉ោង១៤.៥នាទី ឈ្មោះរុន រាជ បានចុះពីលើផ្ទះមកក្រោមហើយចាប់មេមាន់ក្រាបពង យកឡើងទៅលើផ្ទះបិទទ្វារដាក់កន្លឹះខាំ ក មាន់បឺតឈាមអស់ ទើបបោះទំលាក់មកដីវិញ។ ដោយឃើញស្ថានភាពកូនបែបនេះ ហើយយប់ទៀត ប្រជាពលរដ្ឋ មានការភ័យខ្លាច អ្នកស្រី ឆេង អេង ដែលជាម្តាយបានសំណូមពរ ឲ្យសមត្ថកិច្ចចាប់ឃាត់កូនគាត់ដើម្បីយកទៅព្យាបាល។ បន្ទាប់ពីសមត្ថកិច្ចបានចាប់ឃាត់ខ្លួន រួចធ្វើតេស្តស្វែងរកសារធាតុញៀនឈ្មោះរុន រាជ ជាលទ្ធផលៈ អវិជ្ជមាន គឺយុវននេះ មានសភាពមិនប្រក្រតី។ ក្រោយពីសមត្ថកិច្ចចាប់ឃាត់ខ្លួន តែត្រូវបានម្តាយ រុន រាជ បានសំណូមពរឲ្យសមត្ថកិច្ចជួយបញ្ជូនកូនគាត់ទៅឲ្យព្រះសង្ឃស្រោចទឹក និងសំណូមពរដាក់ច្រវាក់កូនគាត់រក្សាទុកនៅវត្តមួយយប់សិន ហើយនឹងចាត់និតិវិធីតាមច្បាប់៕