ភ្នំពេញៈ នៅថ្ងៃទី០៩ ខែកញ្ញា ឆ្នាំ២០១៨ បុរសជនជាតិអង់គ្លេសម្នាក់ បានអះអាងថាបានឃើញ យន្តហោះ MH370 របស់ក្រុមហ៊ុន អាកាសចរណ៍ម៉ាឡេស៊ី ដែលបាត់ខ្លួនរងមិនឃើញអស់ជាច្រើនឆ្នាំ នៅក្នុងព្រៃនៃប្រទេសកម្ពុជា នេះបើតាមអ្វីដែលលោកបានរកឃើញនៅក្នុង ផែនទី របស់ Google ធ្វើឲ្យបណ្តាលព័ត៌មានធំជាច្រើន យកទៅចុះផ្សាយដូចជាសារព័ត៌មាន Reuters ជាដើម។

ក្នុងនោះ បុរសជនជាតិខាងលើក៏បានបង្ហោះវីដេអូផងដែរ ដោយបង្ហាញពិតៗថាលោកបានឃើញ យន្តហោះមួយមែន នៅក្នុងទឹកដីប្រទេសកម្ពុជា យ៉ាងណាការលើកឡើងរបស់លោកត្រូវបានខាង Space Views ចេញមកបញ្ជាក់ថា មិនមានយន្តហោះ MH370 នៅចំនុចដែលលោក Ian Wilso ថាបានឃើញនោះឡើយ ប៉ុន្តែលោក Ian Wilso នៅតែមិនអស់ចិត្ត ថែមទាំងចង់ធ្វើដំណើរមកពិនិត្យ នៅចំនុចនេះដោយឧទ្ធម្ភាគចក្រ។ គួរបញ្ជាក់ថា ខាងកម្ពុជាក៏បានបដិសេដចំពោះព័ត៌មាននេះ ថាជាព័ត៌មានមិនពិត មិនមានយន្តហោះធ្លាក់ឡើយ ហើយបើមានមែន ប្រទេសម៉ាឡេស៊ី នឹងទាក់ទងមកជាមិនខាន៕