កំពង់ស្ពឺ ៖ ប្រិយមិត្តពិតជាបានស្គាល់រួចមកហើយថា កាលពីសម័យប្រឡង សញ្ញាបត្រ​មធ្យមសិក្សា​ទុតិយភូមិ​ នាថ្ងៃទី២០ ខែសីហា ឆ្នាំ២០១៨ នោះ ក៏មានបេក្ខជនម្នាក់ ដែលបានអង្គុយប្រឡងយ៉ាងកណ្តោចកណ្តែង នៅក្នុងបន្ទប់ម្នាក់ឯង ដែលជាហេតុធ្វើឲ្យមហាជនជាច្រើនមានការអាណិត និងក្តុកក្តួលជាខ្លាំង ពេលឃើញប្អូនប្រុសត្រូវប្រឡងក្នុងបន្ទប់មួយម្នាក់ឯង។

បើយោងតាមគណនីហ្វេសប៊ុកមួយដែលមានឈ្មោះថា Oem Samon បានរៀបរាប់ទាំងងារម្មណ៍ក្តុកក្តួល សប្បាយចិត្តជំនួសប្អូនប្រុសថា​ "មិនធម្មតាមែន! បេក្ខជនដែលប្រលង១បន្ទប់ម្នាក់ឯងនៅមណ្ឌលបឋមសិក្សាវល្លិសនៃខេត្តកំពង់ស្ពឺ លទ្ធផលជាប់និទ្ទេស D កំពង់ស្ពឺ៖ ការប្រឡងសញ្ញាបត្រមធ្យមសិក្សាទុតិយភូមិចំណេះដឹងទូទៅនាសម័យប្រឡង ថ្ងៃទី២០ ខែសីហា ឆ្នាំ២០១៨ នៅខេត្តកំពង់ស្ពឺ មានបេក្ខជនម្នាក់ ដែលមាន ឈ្មោះ សេ​ម វិចិត្រ អាយុ​១៩​ឆ្នាំ រស់នៅ​ភូមិ​ក្រាំង​ខ្នង ឃុំ​ស្តុក ស្រុក​គងពិសី គឺមានការប្រឡងតែម្នាក់ឯងគត់ក្នុង១បន្ទប់ នៅមណ្ឌលបឋមសិក្សាវល្លិស បន្ទប់លេខ១៣ ខណៈដែលឯកឧត្តម ឱម យិនទៀង ប្រធានអង្គភាពប្រឆាំងអំពើពុករលួយ ចុះពិនិត្យផ្ទាល់ទៀតផង ។ នៅថ្ងៃនេះ ទី១០ ខែ កញ្ញា ឆ្នាំ ២០១៨ ជាថ្ងៃដែលនៅមណ្ឌលតាមខេត្ត ត្រូវបានប្រកាសលទ្ធផលប្រឡងនេះ អ្វីដែលគួរឲ្យស្ងប់ស្ញែងគឺលទ្ធផល បេក្ខជនប្រឡងម្នាក់ឯងខាងលើនេះ ជាប់ហើយ បាននិទ្ទេស D ទៀត​ផង ដូចអ្វីដែលជាការលើកឡើងរបស់រដ្ឋមន្ត្រីក្រសួងអប់រំមែន គឺចេះ ជាប់"៕ ប្រភព៖ Oem Samon