អាណិតនិងជួយ លោក ពៅ គីសាន់ ហៅនាយឆើតផង គាត់គ្រោះថ្នាក់ចរាចរណ៍ ហើយគ្រួសារគាត់ក្រលំបាក....??? អាសូរសំដីកូនគាត់បាននិយាយថា៖ អីលូវនេះ លទ្ធផល ខួរក្បាលប៉ា មានឈាមកក ក្នុងខួរក្បាល អាចនឹងត្រូវវះកាត់ តើខ្ញុំត្រូវធ្វើយ៉ាងណា មានតែបុណ្យទេវតាអោយប៉ាខ្ញុំ រួចផុតពីគ្រោះនេះផងចុះ ????? ពេលនេះគាត់សំរាកនៅមន្ទីពេទ្យលោកសង្ឃ។

តារាកំប្លែង លោក ពៅ គីសាន ហៅនាយ ឆើត បានជួបគ្រោះថ្នាក់ចរាចរណ៍រងរបួសធ្ងន់ បាក់ឆ្អឹងដងកាំបិត១ ឆ្អឹងជំនី៤ និងមានឈាមកកនៅក្នុងខួរក្បាល។ ស្ថានភាពជំងឺនេះនៅតែជាក្តីព្រួយបារម្ភសម្រាប់ក្រុមគ្រួសារនៅឡើយ ខណៈដែលពេលនេះសមាគមសិល្បករខ្មែរ និង សមាគមគ្រូពេទ្យស្ម័គ្រចិត្តសម្ដេចតេជោ TYDA ជាអ្នករ៉ាប់រងផងដែរ។ នាយ ឆើត ត្រូវបានក្រុមគ្រួសារដឹកទៅសង្គ្រោះបន្ទាន់នៅមន្ទីរពេទ្យព្រះកុសុមៈ បន្ទាប់ពីបញ្ជូនទៅសង្រ្គោះនៅមន្ទីរពេទ្យភ្លាមៗ កាលពីយប់ថ្ងៃទី០៧ ខែកញ្ញា ឆ្នាំ២០១៨។ តារាកំប្លែងរូបនេះរងគ្រោះថ្នាក់ចរាចរណ៍ក្រោយពី រ៉ឺម៉កម៉ូតូបុកពេញរហូតបណ្តាលឲ្យ លោកបាក់ឆ្អឹងជំនី៤ មានឈាមកកក្នុងក្បាល និងសភាពគួរឲ្យបារម្ភ បើយោងតាមការរៀបរាប់ពីសាច់ញាតិ។ លោក គីសាន់ រ៉ៃយ៉ា កូនប្រុសរបស់លោក បានថ្លែងបញ្ជាក់ថា ក្នុងពេលធ្វើដំណើរពីម្ដុំខេមកូស៊ីធី ទៅផ្ទះនៅជិតបាសិត លោក ពៅ គីសាន់ ហៅនាយឆើត ក៏ជួបហេតុការណ៍ ត្រូវរ៉ឺម៉កម៉ូតូបុកពីក្រោយ។ លោកថា លោកឳពុកពេលនេះ មានសភាពវង្វេងវង្វាន់ និងហូបអ្វីមិនបាន ដោយបានតែថ្នាំជាអ្នកជួយសង្គ្រោះសុទ្ធសាធ។ ក្រៅពីជួបគ្រោះថ្នាក់នេះ តារាកំប្លែងនាងឆើត ក៏មានជំងឺប្រចាំកាយមួយចំនួនផងដែរ។ ទោះជាយ៉ាងណាប្រ​ធា​ន​សមាគមសិល្បករខ្មែរ ក៏បង្ហាញជំហរជួយរាល់ការចំណាយនិង សមាគមគ្រូពេទ្យស្ម័គ្រចិត្តសម្ដេចតេជោ TYDA ជាអ្នករ៉ាប់រងផងដែរ។ ទោះជាយ៉ាងណាស្ថានភាពជំងឺរបស់តារាកំប្លែងរូបនេះ នៅតែស្ថិតក្នុងស្ថានភាពដែលក្រុមគ្រូពេទ្យកំពុងយកចិត្តទុកដាក់ តាមដានពីស្ថានភាពជំងឺនៅឡើយផងដែរ៕