កាលពីយប់ថ្ងៃទី០៩ ខែកញ្ញា ឆ្នាំ២០១៨​ ក៏ជាថ្ងៃដែលកូនខ្មែរគ្រប់រូបមានស្នាមទឹកភ្នែក លើថ្ពាល់ ព្រោះតែក្តីឈឺចាប់ ពីការបាត់បង់វីរៈបុរសម្នាក់ ដែលលោកបានជួយដល់កុមារកម្ពុជាច្រើន លើសពីអ្វីដែលកូនរំពឹងទុក្ខ។ លោកបានប្រើជីវិតដែលនៅសល់របស់លោកមកជួយកុមារកម្ពុជា គ្រប់ទីកន្លែង។ កុមារជាច្រើនដែលបានរស់រានឡើងវិញ ដោយសារតែមានរូបលោកដូចគ្នា។ ជាការជូនដំណើរចុងក្រោយរបស់កូនខ្មែរ​ និងការដឹងមហាទិគុណចំពោះរូបលោក​ គឺមានតែភាពសោកសៅ និងកម្រផ្កា ជាការជូនដំណើរលោក ទៅកាន់សុគតិភព។ អមជាមួយនឹងសេចក្តីដឹងគុណចំពោះលោក វេជ្ជបណ្ឌិត Beat Richner លោកយឹម តាស្រង់ និពន្ធឡើងអំពីមន្ទីរពេទ្យគន្ធបុប្ផា និងបានកោតសរសើរចំពោះ វីរៈបុរសវេជ្ជបណ្ឌិត បេអាត រិចឈ្នឺរ ក៏៏បានបង្ហោះវីដេអូ បទចំរៀងមួយបទ ដែលមានចំណងជើងថា "គន្ធបុប្ផា និងក្តីសង្ឃឹម" ជូនចំពោះកូនខ្មែរទាំងអស់បានស្តាប់កំសាន្ត។ លោកយឹម តាស្រង់ ក៏បានរៀបរាប់ទាំងកំសត់ថា៖

"នេះជាបទចម្រៀងដែលខ្ញុំនិពន្ធឡើងអំពីមន្ទីពេទ្យគន្ធបុប្ផា កាលពីប៉ុន្មានឆ្នាំមុន ថ្ងៃនេះលោកតាដែលបានចំណាយពេលវេលា ទំាងកំលាំងកាយចិត្តស្ទើរពេញមួយជីវិតដើម្បីកុមារក្រីក្រប្រទេសខ្ញុំលោកបានលាចាកលោកនេះហើយ ខ្ញុំមានអារម្មណ៍សោកសៅបំផុត ខ្ញុំបាននិយាយប្រាប់កូនៗខ្ញុំថា កាលកូននៅពីតូចគឺប៉ាតែងនំាកូនទៅពេទ្យគន្ធបុប្ផា ទីនោះហើយដែលជួយជីវិតកូនពេលដែលប៉ាគ្មានលុយនំាកូនទៅព្យាបាលនៅមន្ទីពេទ្យឈ្នួល ឬមន្ទីពេទ្យរដ្ឋមួយចំនួន ហើយមន្ទីពេទ្យនេះគឺលោកតាម្នាក់នេះហើយ ដែលពុះពារជួយស្ទើរពេញមួយជីវិត តែនៅពេលនេះគាត់លាចាកលោកនេះហើយ។ សូមវិញាណលោកតាទៅកាន់សុគតិភព ជាចុងក្រោយសូមអរគុណនូវទឹកចិត្តសប្បុរសដែលលោកតែងលះបង់សម្រាប់ជនជាតិខ្ញុំ រួមទំាងគ្រួសារខ្ញុំ"។ អ្នកនិពន្ធវ័យក្មេងរូបនេះក៏បានបន្តទៀតថា "ការលះបង់របស់លោកតាជាមួយប្រទេសខ្ញុំ ជាមួយជនជាតិខ្ញុំពិតជាធំធេងមិនអាចគណនាបាន សូមវិញ្ញាណលោកតាបានទៅ កាន់ទីស្ងប់ ក្នុងនាមខ្ញុំជាជនជាតិខ្មែរមួយរូបដែលធ្លាប់បានទទួ នូវការលះបង់របស់លោកតាចំពោះគ្រួសារខ្ញុំ ហើយខ្ញុំនិងនិយាយរឿង អំពីលោកតាប្រាប់ពួកគេអំពីការលះបង់របស់លោកតា"។ [caption id="attachment_113333" align="alignnone" width="1280"] 14./15.September 2012, Kambodscha, Kantha Bopha Reportage Beat Richner;(Monika Flueckiger)[/caption] មានវីដេអូ៖ ប្រភព៖ Yem Tasrong