ក្រោយមានពីការតវ៉ា និងបញ្ចេញមតិលើបណ្តាញសង្គមហ្វេសប៊ុក!!! ក្រសួងអប់រំនឹងបើកសន្លឹកកិច្ចការគណិតវិទ្យា របស់បេក្ខជនមួយចំនួនផ្ទៀងផ្ទាត់ឡើងវិញ...

ភ្នំពេញៈ ក្រោយពីលទ្ធផលប្រឡងសញ្ញាបត្រមធ្យមសិក្សាទុតិយភូមិចំណេះទូទៅ និងបំពេញវិជ្ជា សម័យប្រឡង ថ្ងៃទី២០ ខែសីហា ឆ្នាំ២០១៨នេះ ត្រូវបានប្រកាសលទ្ធផលអស់ហើយ។ យើងឃើញហើយថាមានរឿងរ៉ាវមួយកំពុងតែធ្វើអ្នកនិយមលេងបណ្តាញសង្គមហ្វេសប៊ុកជាច្រើន កំពុងតែចាប់អារម្មណ៍យ៉ាងខ្លាំង នៅសិស្សជាច្រើនរូប ហើយសុទ្ធសឹងតែជាអ្នកមានចំណេះដឹងខាងគណិតវិទ្យាខ្លាំងផងដែរ ប៉ុន្តែបែបជាទទួលនូវលទ្ធផលនិទ្ទេស F គ្រប់គ្នាទៅវិញ។

អ្វីដែលពិសេសនោះ ក៏មានបេក្ខជនជាសិស្សពូកែគណិតវិទ្យាលំដាប់ថ្នាក់ពិភពលោក ក៏បានធ្លាក់មុខវិជ្ជាមួយនេះផងដែរ រហូតម្សិលមិញនេះ ក៏មានបេក្ខជនបេក្ខជនមួយក្រុម បានប្រមូលផ្តុំគ្នានៅមុខក្រសួងអប់រំ ដើម្បីស្នើសុំឲ្យក្រសួងបើកសន្លឹកកិច្ចការខ្លួន ធ្វើការផ្ទៀងផ្ទាត់ពិន្ទុឡើងវិញផងដែរ ។

យ៉ាងណាមិញក្រោយមានការតវ៉ា និងបញ្ចេញមតិលើបណ្តាញសង្គមហ្វេសប៊ុកពីភាពមិនអស់ចិត្តដូចនេះឯកឧត្តម ហង់ ជួនណារ៉ុន រដ្ឋមន្ត្រីក្រសួងអប់រំ យុវជន និងកីឡា ក៏បានឆ្លើយតប និងប្រាប់ទៅកាន់សារព័ត៌មានថា «ក្រសួងនឹងពិនិត្យសន្លឹកកិច្ចការសិស្សដោយធ្វើកោសល្យ វិច្ច័យលើសន្លឹកកិច្ចគណិតវិទ្យារបស់បេក្ខជនតវ៉ាមួយចំនួន»។