ព្រះសីហនុ៖ នៅថ្ងៃទី១១ ខែកញ្ញា ឆ្នាំ២០១៨ មន្ត្រីកាំកុងត្រូលខេត្តព្រះសីហនុបានចុះដកហូតទំនិញម្ហូបអាហារខូចគុណភាពដែលអាជីវករដាក់លក់តាមផ្សារម៉ាតមួយចំនួនក្នុងក្រុងព្រះសីហនុ ក្រោយពីរកឃើញថា មានទំនិញវេចខ្ចប់មួយចំណយ ខូចគុណភាព ហួសថ្ងៃខែប្រើប្រាស់។

ការចុះប្រតិបត្តិការនេះ មន្ត្រីកាំកុងត្រូលដែលមានកិច្ចសហការពីមន្ត្រីសាលាខេត្ត និងមន្ត្រីមន្ទីរពាណិជ្ជកម្មខេត្តព្រះសីហនុចុះពិនិត្យទីផ្សារ បានប្រាប់ឲ្យដឹងថា ចំពោះទំនិញ​ ទាំងនោះខូចគុណភាពចាំបាច់ត្រូវតែដកហូត យកទៅកំទេចចោល ព្រោះថាអាចប៉ះពាល់ដល់សុខភាពអ្នកប្រើប្រាស់ និងអ្នកបរិភោគ។ នៅក្នុងប្រតិបត្តិការដ៏ស្វិតស្វាញមួយនេះ ខាងមន្រ្តីកាំកុងត្រូល ក៏បានសរសើរដល់ម៉ាតមួយចំនួន ដែលបានមិនយកផលិតផលខូចគុណភាពដាក់លួច នៅលើទីផ្សារ។ ក្រៅពីនេះមន្ត្រីក៍បានចុះទៅពិនិត្យមើលតម្លៃលក់ដូរប្រេងឥន្ធនៈតាមស្ថានីយ៍ប្រេងមួយចំនួនផងដែរ៕ ដោយៈ ផារ៉ា