កូនធុនៗនេះ ងាប់ទៅក៏មិនសូវស្ដាយប៉ុន្មានដែរ!!! ខឹងតិចតួចដុតផ្ទះម៉ែចោល​ខ្ទេច ហើយគំរាមសម្លាប់អ្នកភូមិទៀត បើអ្នកណាហ៊ានចូលទៅជួយ
-

បាត់ដំបងៈ កាលពីវេលា​​ម៉ោង១២ៈ១៥​នាទី​ថ្ងៃត្រង់ ទី​១១ ​ខែកញ្ញា ឆ្នាំ២០១៨ ស្ថិត​នៅ​ភូមិ​រាជ​ដូន​កែវ ឃុំ​ព្រែក​នរិន្ទ ស្រុក​ឯក​ភ្នំ​។ បុរស​ម្នាក់មានឈ្មោះ ហឿ​ង ណាត់ ភេទ​ប្រុស ​អាយុ​៣០​ឆ្នាំភូមិ.ឃុំខាងលើ ត្រូវតំណាង​អយ្យការ​អម​សាលាដំបូង​ បញ្ជា​ឱ្យ​​សមត្ថ​កិច្ច​ឃាត់ខ្លួន បន្ទាប់​ពី​ដុត​បំផ្លាញ​លំនៅ​ឋាន​ម្ដាយ​របស់​ខ្លួនដោយ​ចេតនា មាន​ស្ថាន​ទម្ងន់ទោស។

បើ​តាម​សមត្ថកិច្ច​ថា ជន​នេះ​ជា​មនុស្ស​ញៀន​ថ្នាំ​ផង ហើយ​ផឹកស្រា​ស្រវឹង បង្កជម្លោះ​ជាមួយ​ម្ដាយ ​រហូត​ដុត​ផ្ទះ​ម្ដាយ​​​ឆេះ​អស់​គ្មាន​សល់ ​បង្ក​ឲ្យ​មានការ​ភ្ញាក់ផ្អើល​អ្នក​ភូមិ ​និង​សមត្ថកិច្ច​ទាំង​កណ្ដាល​អធ្រា​ត្រ។ ប្រភព​ដដែល​​បញ្ជាក់​ថា ពេល​ដែល​អគ្គិភ័យ​កំពុង​ឆាបឆេះ​ផ្ទះ​ខ្លាំង ជន​នេះ​បាន​រារាំង​​គំរាម​មិនឱ្យ​​អ្នក​ភូមិ ​ឬ​សមត្ថកិច្ច​មូលដ្ឋាន​ចូល​ជួយ​ពន្លត់ភ្លើង​ឡើយ ​រហូត​ទាល់តែ​ភ្លើង​ឆេះ​​ផ្ទះ​​អស់​គ្មាន​សល់​តែម្តង ។ ទោះ​យ៉ាងណា​ ជន​នេះ​ត្រូវ​បាន​លោក​ព្រះរាជអាជ្ញា​បញ្ជា​ឱ្យ​ឃាត់ខ្លួន ហើយ​ពេល​នេះ​មន្ត្រី​ជំនាញ​កំពុង​សួរនាំ ដើម្បី​រៀបចំ​កសាង​សំណុំរឿង​បញ្ជូន​ទៅ​សាលាដំបូង​ខេត្ត​ ចាត់ការ​តាម​នីតិវិធី​ហើយ ៕