កាលពីថ្ងៃម្សិលមិញ អ្នកនាង ឆៃលី ដាឡែន​ រួមនិងស្វាមី ព្រមទាំងសិល្បករ និងសិល្បការិនី មួយចំនួន បានសហការគ្នា ចុះចែកសម្ភារៈ ប្រើប្រាស់​ចំនួន ដល់លោកអ៊ុំ លោកពូ ធាក់ស៊ីក្លូ រត់ម៉ូតូឌុប ដែលសម្រាកនៅលើដងផ្លូវ កំពុងតែគេងអោបដៃ អោបជើង មិនដែលស្គាល់ទេ សេចក្តីស្រណុក និងគេនោះ។

ជាក់ស្តែងនៅក្នុងគណនីហ្វេសប៊ុករបស់អ្នកនាងបានរៀបរាប់ទាំងអារម្មណ៍ក្តុកក្តួលថា "??នាងខ្ញុំព្រមទាំងក្រុមបងប្អូនសប្បុរសធម៍សូមអរគុណដល់បងប្អូនទាំងអស់ដែលជាម្ចាស់សប្បុរសដែលចូលជាថវិកានឹងរបស់ផ្សេងៗដល់យើងខ្ញុំដើម្បីរៀបចំចាត់ចែងជារបស់របរដូចជា បាយប្រអប់ ភួយ មី ទឹកសុទ្ធ នំ ត្រីខ ទឹកដោះគោ នឹងមានថវិកាបន្តិចបន្តួចនៅក្នុងស្រោមសំបុត្រ ជូនដល់ពូ មីង យាយ តាចាស់ៗដែលពួកគាត់ គ្មានផ្ទះសំបែងគេងតាមសំយ៉ាបផ្ទះនឹងតាមសាធារណះ ឬ តាមសុីក្លូ ។ ឥឡូវពួកយើងបញ្ចប់ការងារនេះដោយរលូននឹងជោគជយ័កាលពីយប់ម្សិលមិញដោយបាននៅស្នាមញញឹមពីពូ មីងយាយតាចាស់ៗទាំងអស់ ។ខាងក្រោមគឺជាឈ្មោះបងប្អូនដែលបានចូលរួមជាថវិកានឹងជារបស់ផ្សេងៗ"។ អំណោយដែលអ្នកនាងទទួលបាន ពីសប្បុរសជន មកជូនលោកអ៊ុំ លោកពូ ដែលកំពុងតែគេងអោបដៃ អោបជើង នៅលើស៊ីក្លូ លើម៉ូតូ ព្រោះតែគ្មានកន្លែងស្នាក់នៅ។ អ្នកនាងក៏បានអរគុណចំពោះ សប្បុរសជន ដែលបានចូលរួមចំណែកនៅក្នុងការជួយ ឧបត្ថម្ភ ដល់លោកអ៊ុំ លោកពូ ផងដែរ៕ ប្រភព៖ Moeun Malen