ភ្នំពេញ៖ រថយន្ដដឹកជន្ទាដែកដ៏ធំមួយបានបើកទាក់ជាមួយប៉ាណូដែលដាក់កាត់ទទឹងផ្លូវបណ្ដាលឲ្យធ្លាក់ សំណាងល្អមិនបង្កឲ្យមានរបួស។

ហេតុការណ៍នេះបានបង្កឲ្យមានការភ្ញាក់ផ្អើលដល់ប្រជាពលរដ្ឋកាលពីវេលាម៉ោង ១ និង ២០នាទី រំលងអាធា្រត្រឈានចូលនៅថ្ងៃ ទី ១២ ខែកញ្ញា ឆ្នាំ ២០១៨ ដែលស្ថិតនៅតាមបណ្ដោយផ្លូវ ២៧១ ត្រង់ចំណុចផ្លូវច្រមុះជ្រូកក្បាលថ្នល់ស្ថិតនៅសង្កាត់ ផ្សារដើមថ្កូវ ខណ្ឌចំការមន រាជធានី ភ្នំពេញ។ យោងតាមប្រភពព័ត៌មានពីប្រជាពលរដ្ឋបានប្រាប់ឲ្យដឹងថា មុនពេលកើតហេតុគេឃើញរថយន្ដកុងទ័រន័រដែលពាក់ស្លាកលេខ ព្រះសីហនុ 3A-3760 បានធ្វើដំណើរពីស្ពានអាកាសក្បាលថ្នល់មកច្រមុះជ្រូកក្បាលថ្នល់ទិសដៅពីកើតមកលិច ខណៈមកដល់ចណុចកើតហេតុក៏បានទាក់ជាមួយប៉ាណូដាក់ទទឹងផ្លូវបណ្ដាលឲ្យជន្ទាដែកធ្លាក់មកលើផ្លូវព្រមទាំងធ្វើឲ្យប៉ាណូរងការខូចខាតផងដែរ សំណាងល្អមិនបង្កឲ្យបងប្អូនប្រជាពលរដ្ឋរងរបួសគ្រោះថ្នាក់។ ក្រោយពេលកើតហេតុកៃកុងរថយន្ដបានបើកទៅមុខប្រហែលជា២០ម៉ែត្រក៏បានឈប់និងចង់ស្ទួចជន្ទាដែកបណ្ដាលឲ្យរងការខូចខាតនេះយកទៅខ្លួនឯង តែសមត្ថកិច្ចបានចុះមកដល់កន្លែង ដោយឃើញមានការខូចខាតដល់ទ្រព្យសម្បត្ដិរដ្ឋក៏ឃាត់រថយន្ដទុកដើម្បីយកទៅស្នងការចរាចរណ៍ជើងគោក នៃស្នងការនគរបាលរាជធានីភ្នំពេញយកធ្វើការវាស់វែងដើម្បីយកទៅរក្សាទុកទៅតាមផ្លូវច្បាប់៕