ទី​បំផុតរឿងរ៉ាវ​គ្រប់​យ៉ាង​ត្រូវ​បាន​ទម្លាយ​នៅ​ពេល​ថ្មី​ៗ​នេះ ក្រោយ​តារា​សម្ដែង Fan Bingbing ព្យាយាម​លាក់​បាំង​ខ្លួន​ពី​ភ្នែក​សាធារណជន​មួយ​រយៈ​ធំ​។

តារា​សម្ដែង​វ័យ ៣៦ ឆ្នាំ Fan Bingbing ត្រូវ​បាន​ទទួល​រង​រឿង​អាស្រូវ​​គេច​ពន្ធ ក្រោយ​នាង​ត្រូវ​បាន​សង្ស័យ​ថា ប្រើប្រាស់​ការ​ចុះ​កុង​ត្រា​ប្រភេទ "Yin-Yang”។ នាង​បាន​ចុះ​កុងត្រា​ចំនួន ២ សម្រាប់​គម្រោង​សម្ដែងដូច​គ្នា ដោយ​មួយ​ទទួល​បាន​ប្រាក់ ២ លាន​ដុល្លារ និង​មួយ​ទៀត​ទទួល​បាន ១០ លាន​ដុល្លារ។ នេះ​បើ​តាម​សារព័ត៌មាន Taiwan News បញ្ជាក់។ កុង​ត្រា​ដំបូង ត្រូវ​បាន​រាយការណ៍​ប្រាប់​ទៅ​ខាង​អាជ្ញាធរ​ពន្ធដារ​ប្រចាំ​ប្រទេស​ចិន ខណៈ​កុង​ត្រា​ទី ២ តារា​សម្ដែង​ស្រី​រូប​នេះ​បាន​គេច​មិន​ព្រម​បង់​ពន្ធ​នោះ​ទេ។ បើ​តាម​​សារព័ត៌មាន The Epoch Times បញ្ជាក់​ថា ខាង​ Securities Daily បាន​បង្ហាញ​ប្រាប់​ជា​ផ្លូវ​ការ​ថា តារា​សម្ដែង Fan Bingbing ពិត​ជា​ត្រូវ​បាន​ចាប់​ខ្លួន និង​ដាក់​ក្នុង​ពន្ធនាគារ ដើម្បី​រង់ចាំ​ការ​កាត់​ក្ដី​ទៅ​តាម​ផ្លូវ​ច្បាប់ពិតមែន។ Securities Daily បាន​បញ្ជាក់​ថា៖ "កុងត្រា Yin-Yang គ្រាន់​តែ​ជា​បញ្ហា​តូច​មួយ​នោះ​ទេ ប៉ុន្តែ​នាង​ក៏​កំពុង​ជាប់​ការ​សង្ស័យ​បន្ថែម​ទៅ​លើ​ការ​ផ្ដើម​គំនិត​លើ​បទល្មើស​ខុស​ច្បាប់ និង​រឿង​ផ្សេងៗ​ទៀត​ពាក់ព័ន្ធ​នឹង​អំពើ​ពុករលួយ។ ក្នុង​ករណី​ធ្ងន់ធ្ងរ នាង​អាច​នឹង​ប្រឈម​មុខ​នឹង​ការ​កាត់​ទោស​តាម​ផ្លូវ​ច្បាប់"។ ចំពោះ​វេ​ប​សាយ​ ettoday បញ្ជាក់​បន្ថែម​ថា​អាជ្ញាធរ​ចិន​ធ្លាប់​បាន​ឃុំខ្លួន​នាង​ហ្វា​ន ពីង​ពីង​ម្ដង​រួច​មក​ហើយ​កាលពី​ចុងខែ​មិថុនា ប៉ុន្តែ​បាន​ដោះ​លែង​ក្នុង​រយៈពេល​២​ថ្ងៃក្រោយ បន្ទាប់​មក​ក៏​ឃាត់ខ្លួន​ជា​ថ្មី​នៅ​ដើមខែ​សីហា និង​ឃុំខ្លួន​នាង​រហូត​មក ខណៈ​ពេល​រដ្ឋាភិបាល​ក្រុង​ប៉េ​កាំ​ង​មិន​បាន​បង្ហាញ​បញ្ហា​នេះ​ជា​ផ្លូវការ​នៅឡើយ ៕ [caption id="attachment_114293" align="alignnone" width="700"] Actress Fan Bingbing at photocall of "I am not Madame Bovary" during the 64th San Sebastian Film Festival in San Sebastian, Spain, on sunday 18th September, 2016.[/caption] [caption id="attachment_114284" align="alignnone" width="600"] Chinese actress and member of the Feature Film jury Fan Bingbing poses as she arrives on May 17, 2017 for the screening of the film 'Ismael's Ghosts' (Les Fantomes d'Ismael) during the opening ceremony of the 70th edition of the Cannes Film Festival in Cannes, southern France. / AFP PHOTO / Valery HACHE (Photo credit should read VALERY HACHE/AFP/Getty Images)[/caption] ប្រភព៖ news.sabay.com.kh