ចូលរួមត្រេកអរផង!!! ភរិយានាយក្រិន បានសម្រាលកូនស្រីមួយទៀតហើយ កាលយប់មិញនេះ ហើយនាយក្រិនបានដាក់ឈ្មោះឲ្យកូនស្រី យ៉ាងពិរោះទៀតផង....

ភ្នំពេញៈ តាមការបញ្ជាក់ពីអ្នកនាង ប្រិមប្រិយ បានឲ្យដឹងថា ភរិយានាយក្រិន បានសម្រាលកូនមួយទៀត ហើយ កាលយប់មិញនេះ ហើយកូនរបស់ នាយក្រិន គឺជាកូនស្រី ដោយសម្រាលនៅមន្ទីរពេទ្យឯកជនមួយ ក្នុងរាជធានីភ្នំពេញ កាលពីម៉ោង៨យប់។

ប្រិមប្រិយ បានបន្ដទៀតថា គ្រាន់តែកើតភ្លាមកូនស្រីរូបនេះភ្លាម នាយក្រិន បានជ្រើសរើសឈ្មោះឲ្យរួចជាស្រេច គឺឈ្មោះ សុគន្ធ បញ្ញា។ បើបូកទាំងកូនទើបនឹងកើតនេះ តារាកំប្លែងនាយក្រិន មានកូនរហូតដល់ទៅ ៤នាក់ឯណោះ ប្រុស២ស្រី២ ក្នុងនោះកូនប្រពន្ធដើម ១នាក់គឺប្រុស បច្ចុប្បន្នកំពុងរស់នៅជាមួយប្រពន្ធដើម នៅឯខេត្តព្រះសីហនុ។

នាយក្រិន បានរៀបការជាមួយភរិយាទី២ របស់ខ្លួនអស់រយះពេល៥ឆ្នាំមកហើយ បន្ទាប់ពីចែកផ្លូវពីភរិយាដើម។ មុនប្រពន្ធតារាកំប្លែងរូបនេះសម្រាលកូន ក៏ធ្លាប់ធ្លាយពីការពពោះកូនទី៤នេះផងដែរ ប៉ុន្តែដំណឹងនេះ នាយក្រិនធ្លាប់បានច្រានចោលវិញ ដោយនាយលើកឡើងថា ដំណឹងពពោះនោះគ្រាន់តែជាការបង្ហោះលេងលើបណ្ដាញសង្គមប៉ុណ្ណោះ។ បែបនេះក្ដី ដំណឹងនេះមិនអាចលាក់ជិតឡើយ គឺត្រូវបានធ្លាយនៅថ្ងៃនេះសម្រាលនេះដែលធ្វើឲ្យនាយក្រិន មិនអាចប្រកែកបានតែម្ដង៕